محمد صلاح: كنت قريبًا من الانتقال للسعودية.. وهذه ميزة سلوت

تحدث محمد صلاح، جناح الفريق الأول لكرة القدم بنادي ليفربول الإنجليزي، عن طريقة المدرب أرني سلوت، وإمكانية رحيله إلى دوري روشن السعودي.
وقال محمد صلاح، خلال تصريحات تليفزيونية: «طريقة اللعب مختلفة بين كلوب وسلوت.. وب أتكلم أكتر مع أرني سلوت وهو قال لي أنا عايز أطلع منك الأفضل وهو اللي حصل».
وأضاف: «ماتوقعتش إن ليفربول ياخد الدوري الإنجليزي لكن لما شفت طريقة تعامل سلوت مع المباريات والمرونة في تغيير طريقة اللعب لقيت إننا نقدر نحقق اللقب».
وتابع: «كان في نسبة كبيرة أوي إني أروح الدوري السعودي لو ماكنتش توصلت لاتفاق مع ليفربول.. والناس هناك قدرتني وما زلت على تواصل معاهم».
وواصل: «أنا ه أبطل لما أحس إني عايز بس أنا حاسس إني أقدر ألعب لحد 39 و40 سنة».
وأردف: «احتفالاتي عادة بكون محضرها قبل الماتشات، وساعات بتحصل بتلقائية».
واختتم: «الغربة مش سهلة، أول كام يوم ليا في سويسرا كنت بكلم نفسي ووقتها بييجي لك الأهلي والزمالك وهنا يا إما تختار تكمل أو ترجع مصر زي معظم اللاعبين».