كشف رمضان صبحي، جناح الفريق الأول لكرة القدم بنادي بيراميدز، عن موقفه من الرحيل عن ناديه في الميركاتو الصيفي المقبل، في ظل الأنباء التي تتردد حول إمكانية انتقاله ل الأهلي أو الزمالك. وقال رمضان صبحي، خلال تصريحات تليفزيونية: «انضمامي للأهلي أو الزمالك؟ أنا بتفرج زيي زي الناس.. أكيد شرف ليا الانضمام للأندية دي». رمضان صبحي: ملتزم بعقدي مع بيراميدز وأضاف: «أنا لو طلعت قلت إن مفيش مفاوضات مع الأهلي والزمالك الناس مش هتبطل تتكلم بردوا». وتابع: «أنا ملتزم بعقدي مع بيراميدز ومرتاح في النادي والأمور ماشية تمام، وكل واحد يقول اللي هو عايزه». واختتم: «فاضل في عقدي أكتر من سنة، فمش طبيعي إن ييجي لي عروض بشكل شخصي، اللي عايزني هيروح للنادي».