أبويا قالي روح زوره.. أمير مرتضى منصور يكشف حقيقة تصالح والده مع ممدوح عباس

قال أمير مرتضى منصور المشرف العام السابق في نادي الزمالك: "كتير بيحارب عائلة مرتضى منصور داخل أسوار نادي الزمالك، أبرزهم ممدوح عباس، مع إني بحبه أوي، وأيمن عباس بيأهل نفسه عشان يتولى رئاسة نادي الزمالك، ومعرفش إنه يصلح أو لا، مقدرش أحكم عليه، لكن هو شخص محترم".
وخلال تصريحات تلفزيونية ببرنامج "أسرار" عبر فضائية "النهار"، تابع: "نادي الزمالك مع ممودح عباس كان هينزل درجة تانية في العشرية السوداء، وهو بيحب النادي لكن من منظوره، وأنا قعدت مع عمر الجنايني ومدحت العدل وقلتلهم أيه رأيكم نصالح ممدوح عباس مع مرتضى منصور ونستفاد منه ماديًا طلاما بيحب نادي الزمالك أوي، ونعمله تمثال في النادي.
وأكمل "منصور": "ممدوح عباس عمل عملية خطيرة في المخ، رحتله أوضة العمليات وبوسته وسلمت عليه، وهو قعد يهزر معايا، وروحتله عشان يبقى فيه ود بينا، وكان ساعتها مرتضى في السجن وقلي روح زور ممدوح عباس عشان عمل عملية كبيرة، رغم أن محدش زار والدي".
واختتم "منصور": "فيه ناس كانت بتزر والدي عشان كانت عارفة أنه هيرجع الساحة تاني، وممدوح عباس بيحاربنا عشان هو شايف أن مرتضى منصور خد مكانه، وممدوح عباس صرف كتير أو في حربه معانا، وكان يوجد محللين يعملون لصالحه، وكان من وسطهم عبدالناصر زيدان ولكن قدم أسفه ل والدي".