أكد محمد الإتربي، رئيس اتحاد بنوك مصر ورئيس بنك مصر، أن اللي بيحرك السوق هو العرض والطلب. وقال محمد الإتربي، خلال مداخلة هاتفية ل برنامج 'الحكاية' المذاع على قناة 'إم بي سي مصر' تقديم الإعلامي عمرو أديب: ' الناس في البنك عملاء حولوا الدولار بتاعهم لجنيه مصري وفي نفس الوقت جالنا من شركات الصرافة مبالغ مكنتش بتيجي في الشهر الأخير..ليه لأن أنا انهارد منتظر الدولار يروح ل 20 و21 و22 فأنا حبسه ومستني اللحظة اللي هبيعه فيها'. وردا على سؤال هل وارد أن يصل سعر الدولار ل 24 و25 يوم الأحد ؟.. أوضح الإتربي: 'في الآخر اللي بيحرك السوق السعر والطلب واحنا شوفنا الدولار لما طلع في 2016 وتجاوز السعر الصح بتاعه بيرجع ينخفض تاني.. المرة دي في رأيي مش هيحصل كده'. وعن الفرق بين هذا التعويم والتعويم الذي حدث في 2016، قال: ' احنا الدولا كان وصل ل20 وبعدين نزل ل 18 وبعدين نزل ل15.70وثبت عند هذا الرقم5 سنين.. هو كان المفروض أن يتحرك تدريجيا حسب العجز فيه.. أنت عندك تركيا التضخم وصل عندها ل80٪ واحنا مش في منأى عن اللي بيحدث في العالم كله'.