فريدة سيف النصر مدافعة عن محمد رمضان: الحرب والحقد مش للدرجه دي كتير كده

دافعت الفنانة فريدة سيف النصر عن الفنان محمد رمضان بعد إلغاء حفله الذي كان من المقرر إقامته في محافظة الاسكندرية يوم 7 أكتوبر المقبل.
وقالت فريدة سيف النصر في رسالة لها عبر حسابها الشخصي على موقع فيس بوك:'هو في إيه محمد رمضان كده اوفر أوي، اللي بنسمعه ده أغرب من الخيال، طول عمرنا بنعمل مسرح في ماريا عروسة البحر الأبيض، طول عمرنا عارفينها فاتحه أحضانها للفن وهي منبعه، أكرم ناس ذواقة لكل الألوان من مستوي السيد درويش لحد بدارة وحمو بيكا وأكتر من كده هو وزمايله، اشمعني بقي لا اله الاالله، علي فكره اللي اتخرب بيته اللي عامل الحفلة وعارفينهم حقيقي باعوا التذاكر كلها، طيب الناس اللي بتحبه يولعوا يعني علشان العند والتصاريح علي فكرة معجبينه كلهم شباب وغالبية عظمى مالهمش في عند وحقد العواجيز ومحاولات الهدد، لكن لو سعادتك ارتحت يهمنا راحتك يارب بردا وسلاما ياساتر يارب'.
واضافت:'المسؤول عن التصريح ناقص يدخل اللي مش على مزاجه بفيزا، واللي مش قادرين يفهموه، الفنان لو له عمر بيستمر أكتر من اي مركز وكرسي زائل، هو ايه الغلب ده هو تار ولا ايه طيب نفهم علشان ماندافعش فهمونا، ياريسنا الإسكندرية مش بتاعت اي مسؤول دي بتاعتنا كلنا معظمنا أهالينا هناك عند العروسة وكرم الدنيا والجدعنة الاسكندراني مابيكرهش حد وبيحب كل الألوان ما بيكا اهو مثلا تاني اهو، يعني ايه تصاريح ؟ محافظات مصر كلها للمصريين..وكل ده وقت لتصريح عن حفلة معروفة للكل واشمعنى الأجانب هوا يتعمل كل حاجة وحفلات لغير مصريين على راسنا لكن بالنسبه لابنها ايه بقي، هو في ايه؟ الحرب والحقد مش للدرجه دي كتير كده، الاسكندريه أهلها بس اللي يقرروا، ولو قالوا يبقي تمام لكن عند مع مسؤول ماينفعش'.
وتابعت فريدة سيف النصر:'واللي يكلمني ويقول لي بتطبلي له اهو شغلك معاه، ايه الادب ده، اولا رمضان مابيدخلش في حاجة في حاله ومحترم قسما بالله، وبرضه مسلسل موسي محمد سلامة اللي رشحني ده ابني يعني اسألوه، ومسلسل العمدة اللي مرشحني محمد سامي وكنت عايزه اشتغل معاه بجد، وأنا بحبه هو ومي جدا من القلب للقلب، ده لو بيقبضني وعامل لي بطولات مش هاتضايق كده بس بجد حرام، نهدي بقي ..وتاني بسيطة نعمل له مسرحية في بلدنا الاسكندرية ونعرف بقي بتصريح ولا خيبه تقيلة.. بعد العمر ده كله فيها وقبل ما الكراسي دي ما يتقعد عليها وياما راح وجه كتير ومشيوا معاش فوقوا، هو في ايه، ولا يمكن هاناخد فيزا قريب ماهو هايبقي للفنانين كلهم بقي ولا يكون معمول لرمضان بس ياعيني يابني، حلوة فيزا دي ماهو كان ده المخطط ناسيين..الله المستعان'.
وأختتمت قائلة:'أنا بقي ربنا خالقني كده وباخسر علي فكرة بس باكسب نفسي اللي باصدقه والاقيه مظلوم بجد أو مستهدف بادافع طالما مقتنعة..هو مش اسوء مافيها بس كل موضوعه ربنا كل مابيتحارب بيوسع عليه اوي وبيقف جنبه ومحبينه يزيدوا حاسبوا ربنا بقي ..استغفرالله..جري لنا ايه؟ ويبقي السؤال مين السبب هو في حد اشتري العروسة فهمونا دي بتاعتنا حته من روحنا وعمرنا نفهم.سلام'..