انا قولتلك . ان الغنا دلوقت مش مسموح وان البكا أطيب كتير م البوح سيبني احمي وقتي بدموعة ازاي أحس الغنا والوتر مدبوح كان نفسي اشوفك مرة واحدة وبس علشان أسامح روحي قبل ما أموت قبل النهار ما يغطي جدران البيوت كنت ابتديت أحفر في بطن الليل تابوت يمكن في مره أعود بطل وأقطع خيوط العنكبوت حد الغباء أوقات بيملكني وأحس إن الكون بيتغير لما أفوق احسني حبة شمعة بتولع عمرها قصير بخاف أوي لو حد يلمح نفسي مكسورة اللي في صدري حاجات ملهاش مثيل في الكون حبة وجع فيا بيكملوا الصورة ياهل تري لو مت م الحزن أبقي شهيد ؟ يا خالق الخلق وحنين علي العصافير الريح نظير الألم تاخد العشش وتطير لا ريش بيفضل ولا صاحب جناح قادر وإنت عادل بايدك مصير الكل بالتدبير سهران في عيني النوم والقلب مش بينام مبقاش فيه شيء بيسر واللي رماك ع المر نايم في خير وسلام راحت عليكي يا بهجة الياسمين كان حلم أخضر ندي سرقوه ولاد الشين تعب الغلابه بلاش ودعاكي ما وصلناش قدم انغرس في الطين تلاتين سنة والفرح لسه جنين لما السنين ضهرها داب وانقسم نصين طاب صبرنا وانطفي واحنا بنستنظر والعقل عجز وشيبنا واحنا مش داريين متعودين ع البكا واحنا ف سنة أولي واللي علا وانجلي بقي يفهم الفولة واللي شرب من كيعانه الذل والعلة غاب في المتاهة لأنه خاف من الغولة بيحلي ملح الغلابه بالرغيف والمش تحلي السنين العجاف والخلق ولا بتهش ويحلي نوم العسل والبر في متاهة وسواها ما يصير وطن لو كل لحظه بوش هل الهلال علي إيدي متحني وصل لنبض القلب وانت قريب مني معقول يكون الرضا رجع قلوبنا شباب والا انتظار القمر في البعد جنني الناس بتشرب من كيعانها المر والسهم صايب والعطش حراق يا كل لحظة صبر لما تمر تدهس جواعه وتخنق المشتاق فيه ايه بديل الصبر جربناه غير موت بيسكن في الحشا ويصر اشتقت ليك يا وطن شوقني بزيادة انا في انتظارك تسر النفس كالعادة حبك عبادة ولكن أعمل إيه بالكره مجبور تحسك مشاعري في الحالتين وانا اكتفيت من جحودك صد وبلادة حاولت أعمل مغني لاجل أعيش جربت صوتي في لحظة اتلمت الدراويش ضرب وشتيمة وسيل نازل علي الأبواب كان نفسي أجرب صوتي لو مرة لكن حظي الغبي في الشدة ما نصفنيش علشان عنيكي ما تصطفي للشمس من نورها الحياة كان القمر نوره في وجودك محتمل يوصل لآخر منتهاه.