رحيق مختوم

لاعدت ليا.. وطن
ولاعدت بيك.. مهموم
وان كنت من قسمتي
مش حارضي بالمقسوم
ماخضت بيك معركة
إلا أما جيت مهزوم
ولافضل بنقدمه
إلا اما أكون مذموم
علي ايه حنبكي بقي موطني
والأمر صار محسوم
وإزاي حاقول موطني
وانتا وطن مشموم
مش عيب عليك يا وطن
الشوم ... ياعيب الشوم
تبقي رموز ثورتك
دفاس.. وابو دقشوم
شايل مخازن سلاح
من غزة... للسلوم
هدفه الوحيد.. يركبك
شا الله.. تقع.. ما تقوم
حتي في نجاح ثورتك
كان يومك المشئوم
واللي نهب... ثروتك
بيقول ياناس.. محروم
واللي قتل أو حرق
بيقول ياناس.. مظلوم
ع الكل... راح... اهدها
زي.. ما قال... شمشمون
واللي نصب واغتصب
ياخد... نيشان... ونجوم
أديلوه... رتبة.. شهيد
واتوصا... بالمعلوم
والجدي... فوق مركبك
ياكل كمان... ويعوم
يفضل علي قلبنا
لما القيامة... تقوم مخروم
يلغي القضا بالقضا
اصل القانون....
واشمعنا في شرعنا
ما يامناش... مأموم
وإزاي حايفتل معاه
مبروم علي... مبروم
كان عهدي.. ف محبتك
زي الصلا.. والصوم
كان نفسنا ثورتك
تبقي رحيق مختوم
كالمذهب الناصري
خادم.. في توب.. مخدوم
لكن قضاء أو قدر
خلاه... قدر.. محتوم
يامصر قومي.. الطومي
وابكي علي المرحوم
شعبك خلاص.. انتهي
أمتي يفوق... ويقوم
النيل كره... ميته
حتي هواه... مسموم
ياللي... مليتوا... البلد
سم وعذاب... وهموم
وسرقتوا حق الدوا
من إيد .. فقير معدوم
ماتفرحوش.. بالحرام
عمر الحرام... مايدوم
يارب يامطلع
ع السر.. والمعلوم
بحق طه النبي
الكامل... المعصوم
تنصرنا علي نفسنا
ياحي... ياقيوم
انصرنا علي نفسنا
ياحي.... ياقيوم