ليه يا بلدى الظلم فيكى فوق الحد .. (ثورة ثانية من جديد)

كلمات والقاء : بشرى المرصفى
ليه يا بلدى الظلم فيكى فوق الحد..
ظلم فى ظلم .. قهر رجال جيل ورا جيل من الأبن حتى الجد..
العدل غاب .. كان راية عالية فوق جبل .. واليوم وقع وانهد ..
أأأأأأأأه يا حلمى اللى اتكسر بمحاكمة باطلة وشهود زور .. شئ بشع عنجد ..
دى دم الشهيد لسه بينزف ... فى شريانه يسرى لم ينسد ..
ودمع أمة اللى سايل على خدها .. ومن يومها مامسحه بايده حد ..
قلبها مفطور من البكى .. بحرقة ضناها اللى كان واقع شهيد هنا وهناك على الأرض ..
تضم ثوبة لحضنهاا .. وتصرخ تقول.. أبنى بكرامة مات لأجل يحمى العرض ..
عماله تصبر نفسها ....
وبقوة قامت تعبى فى حجرها ..
التراب اللى ماسقى بدم حته منها
.. دم ولدها الطاهر .. وتلملم الاشلاء...
حلفت بربها فى السما ... ما تسامح ولا ترجع الا لما ... تاخد بتاره من الاعداء..
بس دمعها .. فاض وسال غصب عنها ..
ومن قلبى بقولها..
إبكى يا أم الشهيد وعزى فى الأخلاق..
على ضمير القضا اللى مات وخذ طرف إخلاء..
عجبى .. على قاضى يسكن ضميره ..بقولة دليل ضعيف ومافيش..
يعنى البعيد أعمى ... ولا النظر شيش بيش..
يا حسرتى على ألف قتيل.. وقتيل ..
ألف قتيل يا قاضى ... وكام مصاب ... وجريح ..
كتيييير أوووى ... وبقول لروحى من كترهم ما تعديش..
اللى عينة إتفقعت ... واللى رجلة اتقطعت ...
شوهم الملتوف .. معلم فى جسمهم حديد من الخراطيش...
شوفته أكيد يا قاضى أوعى تنكر .. قول الحق ما تخبيش ..
كله مسجل على الشاشات ...صور وفيديوهات..
وبعد دى كله يا قاضى .. برضو دليل ضعيف ومافيش؟؟؟
دى أنا لو جبت لك مليون دليل ودليل هتقولى ما يكفيش!!
يكفيك كام شهيد يا قضى .. لتثبت التهمة... ؟؟؟
كام عين ثائر يا قضى .. وتقضى بالإعدام ...
بطبطب عالظالم فى طره .. ومستف أوراقك لمصلحة الئام ..وبالبراءة تحكم الأحكام..
دى عقوبة دى بقى ... ولا .. مكافئة لظلم الحكام ..
والله عيب عليك يا قضى .. ازاى ضميرك نام..
ياويلك يا قاضى الدنيا .. من قاضى السما الديان ..
نيم ضميرك أوووى ... وأنعم بليل طويل وظلام..
دى الفجر مسيره جاى .. يحمل بعدله الضى..
وبالقصاص راجع .. يفرح أهل الحيى ..
صدورهم تشفى .. وتقرعينهم وتغفى ..
بعدل ربك العزيز عالى الإحكام..
-
وأنت يا مصرى ياللى ساكت على الظلم .. وحابب عيشت العبيد..
قوم يا حر بقى ... وانفض عن كتفك الذل .. و إبداء ثورتك من جديد..
واصرخ بعلو الصوت ... وقول هجيب بأيدى حق الشهيد ..
ثورة ثانية من جديد..