تناتيش من لحم حي..

كثيم
متكمشين ف مين
ومخرمين الودان
كان غيركو اشطر
وأحق منكو
دان كان هايبقي ف أحلام
وان كان هايبقي ف كلام
هانقول ونعيد
ونزن اكتر ع الودان
مادام مفعولة
هايبقي قادر
وأكيد.. أكيد
لايهمه سحر
ولابحر طحينة
ولاجبنه قديمة
ومش مدود
وااادينا هه
واااادمتم..
الملك لك
علي قد ماتقدر
إمسك فيها
بإيديك وسنانك
حتي إن كانوا مخلخلين
وما عادش دهن ف العتاقي
خدها معاك
وانت معزل من جوانا
ماتسيبش حاجة
ولا حتي آخر كلمة تقولها
وانا عن نفسي مش هاسمعها
ولا ها سمحلك بيها تحنن حاجة ف قلبي
وتخليها نقطة ضعفي
مابقتش فارقه
ف سواد الليل أو زرقانه
الموضوع وبكل بساطة
إنك ماسك فيها بوحشة
زي طلوع الروح منك
مش مستهلة
إنك تبقي عليها ف شيء
مدد قلبك
صفصف روحك
تلقاها خلصت
هب.. ف ثانية..
مر يوم
من دون الناس
عارفاني
بالإحساس
وبريحة القب
وعرق الروح
وحاصل ناتج عمر بحالة
بصديد ليام
وافراح النن
بتقول ونحن
ولاحد يفهم
غير اللي يعلم بالقلوب
والمكتوب
وحصوه في عين اللي ماصلاش
ولاسماش
واستعاذ م الرجيم
يااااكريم
واسترها...
أمنية
كان نفسي بجد
نبقي إخوات
وأكتر من روح واحدة
ونشيل عن بعض
وجع القلب
والأيام
ونمد الود
لسابع ولد
وكاااام بعده...
لجل ما يحكوا
ويقولوا عنا
إزاي محناش
سلف الأجداد..
أحلام
نفسي ف بنت
زي بتوع التليفزيون
ولا اغاني الفيديو كليب
اما الواحدة تحل رقاب
متبشنقة
بد نشواي
وتسعتاشر
و...و... باقي تاريخك..

ف حياتي ماشفتش زي طيابتك
دايما اثر كده علي نفسك
حتي الجنة
رغم انك مستوفي شروطها

متهئلك انها ماسكة
حاضنة في صورتك
بتقربها من شفايفها

مش كل ما تحلم
يبقي دا حلمك
مش كل ما تحكي
يعني لازمه شهر زاد
وشهر يار

فكر مرة انك تضغط
ع الريموت
يمكن تلقي من احلامك
بعض الشيء..