إذا كنت فاكر

هتضحك عليّه برز ولحمه وسكر وزيت
وفاكر بانى هافرط فى صوتى عشان كلمه حلوه وحبة حديت
فاسمح لى أقولك أنا طموحى أكبر وليلى ونهارى فى مصر بَفكر
أنا طموحى اشوف مصر ديمقراطية وعلمها مرفرف على كل بيت
...
إذا كنت فاكر بأن الجماعة فى بيت (المقطم) بقت اغلبيه
وفاكر بأن ميلشيات سيادتك بكل اللى فيها هتقدر عليّه
فاسمح لى اقولك بأنك ضعيف ووزنك ما بين اللى زيك خفيف
ومهما تحاول تكون ديكتاتور فى ساعة إرادتى هتبقى ضعيف
...
إذا كنت فاكر شباب النهاردة هيسمع أوامرك وزى زمان
فاسمح لى أقولك شباب النهاردة عنيد وأنت شوفته فى قلب الميدان
شباب الطموح عنده فوق احتمالك وأكبر كتير من نفوذك ومالك
شباب كل أمله يشوف مصر أكبر وأعظم ودايما فى أعلى مكان
...