الأمل نور طريقنا اللى جاى

هو ايه اللى حصل بالظبط فى البلد دى حد فاهم حاجة؟ ليه بقت نظرة الاكتئاب والتشاؤم هيا اللى مسيطرة؟ ليه بقى اللون الأسود هو اللون الحقيقى اللى موجود دلوقتى لو مش مصدق بص فى وشوش الناس الصبح وعد من وسط كل كام واحد هتلاقى كام واحد بيضحكوا يجيلك إحساس إن الناس كلها مكشرة وكأننا بنشرب النكد مع الميه ولا بنحطه مكان الملح فى أكلنا الناس كلها بقت فاقدة للأمل وبقت بتعتبر أى كلام عن الأمل هو نوع من أنواع الوقاحة لا مستحيل يكون هو ده واقع حياتنا دلوقتى الأمل احنا اللى بنخلقه فى وسط كل السواد أكيد فى نور حتى لو بسيط هو ده الأمل خلى عندك أمل اتمسك بالأمل اتمسك بحلمك انشر ابتسامتك وسط الناس قرب من كل اللى حواليكى يمكن تلاقى الأمل فى حل مشاكلهم يمكن تساعد حد إنك تفك تكشيرة حد الصبح ببسمتك فى وشه خلى الخير جوانا طول ما الخير جوانا هيفضل الأمل جوا عينينا وهتبقى ابتسامتنا صافية ومن القلب ومش احنا بس اللى محتاجين الأمل إحنا مجتمع كامل فقد كل حاجة الأمل والحلم عايزين نرجع تانى ابدأ بنفسك دور ع حلمك اللى وقع منك وهو هينورلك بالأمل طريقك الأمل هو الحاجة الوحيدة اللى مينفعش تضيع الحكومة محتاجة أمل إن مصر تبقى أحسن.. الفقير لازم يبقى عنده أمل إنه يعيش مستور المهم الأمل.. الأمل هو النور لطريقنا اللى جاى.