طفل شوارع ل Video 7: أنا ثورجى مش بلطجى.. وإحنا اللى هنعمر مصر

أصبحت ظاهرة أطفال الشوارع المشاركين فى الاشتباكات التى تحدث خلال المظاهرات الاحتجاجية المتعاقبة محل جدل بين الجميع، فالبعض يراهم مجرمين يجب إلقاءهم فى السجون، والبعض الآخر يرى أنهم مجرد ضحايا ومن حقهم أن يكون لهم مطالب ويشاركون فى التظاهرات..
"اليوم السابع" التقت بأحد هؤلاء الأطفال لمعرفة الأسباب التى تدفعه وأقرانه من أطفال الشوارع للمشاركة فى التظاهرات المناهضة للنظام، وكان "على" الشهير ب "جيكا" ابن محافظه أسيوط هو الطفل الذى حاورناه، وفتح لنا العديد من النقاط التى يجب أن تكون محل اهتمام الجميع، وأكد "أنا ثورجى مش بلطجى.. وإحنا اللى هنعمر مصر"
يقول "على": سمونى جيكا عشان كان فى واحد بطل اسمه جيكا والداخلية موتته بطلقتين فى دماغه وقلبه وأنا كنت موجود فأخدت طوبة وضربت الضابط بيها فسمونى على اسمه".
وأضاف: كنت شغال سواق توك توك وسبت شغلانتى، وزى ما أنت شايف قاعد فى التحرير، ومصمم زى الناس إننا مش هنسيب التحرير لأننا زهقنا والناس بتقول إن ال فى التحرير كلهم وساخة وفى خيام دعارة.. مفيش عندنا الكلام ده.. وفى ناس بتقول عننا بلطجية أحنا مش بلطجية أحنا "أصحاب حق".. إحنا عاوزين حقنا وخلاص".. أى حد يمسك الدولة إحنا ما لناش دعوة بس زى ما بتاخد حقك أدينا حقنا".
وشدد جيكا قائلا: عايز حقى فى حاجة واحدة.. العيال اللى نايمة فى الشوارع وسايبه بيوتها من الجوع ومش لاقين العيش الحاف اللى أيه اللى يذلنا ل الناس ونقولهم هات جنيه ويرد علينا يشتمنا، والرئيس مرسى هو المسئول عننا إحنا بنستأذنه ونقوله ارحل يا مرسى.. لكن هو مش عايز يرحل امبارح أتمسك مننا عدد كبير حرام ده ولا حلال.
شاهد الفيديو..
اليوم السابع يحاور أحد أطفال الشوارع المشاركين فى الاشتباكات ضد الداخلية: عايز مرسى يرحل