والله حرام

احنا من البداية كنا خايفين
يمسك الرئاسة الاخوان المسلمين
مش عارفة ليه الناس مش مقتنعين
ان الاخوان دول ناس كويسين
طب ما هم معانا شغالين
وبيحاولو ينفذو مطالب المتظاهرين
لكن احنا بس المستعجلين
الشعب عايز كل حاجة تخلص في يومين
والناس بتسأل مطالب الثورة فين
كل حاجة هتمشي زي ما احنا عايزين
لكن بالراحة منبقاش متسرعين
لازم ندي لمرسي فرصة حتى لو سنتين
زي ما ادينا اللي قبلو فرصة بالسنين
لازم يا شعب نكون فاهمين
ان دى رئاسة جمهورية ونبقى واعيين
مش اي حاجة تحصل نروح الميادين
ونفضل هناك بالايام معتصمين
طب ما الرئيس بيحاول يخلينا متقدمين
قدر يحافظ على العلاقة بينا وبين الامركيين
وفي نفس الوقت راح زار الصين
ومن بعدها اتوجه للارانيين
وقبل كل دة جمعنا احنا والسعوديين
دا الراجل كمان واخد قروض بالملايين
علشان يقدر يدي المحتاجين
والناس عايزة ترفع رواتبها وهيجيب منين
كلو بيفكر في نفسو مش المهم الناس التانيين
طب ماهو كده هياخد قروض وبرضو مش عاجبين
وفى الأخر تقولو احنا مش شغالين
وهو كدة هيعمل ايه لازم يواجه المشكلتين
ولما انتو بتفكرو في نفسكو ليه ناسيين
ان مصر عايزة التحمل والشغل والناس الصابرين
ولا تفكرو في رواتبكو لحد هنا وواقفين
ما هو زي ما نتو باطالبو بحقوقو انتو بردو مديونين
تحافظو على بلدكو من الناحيتين
والناس اللي على ودانهم نايمين
والله حرام عليهم يبقو عايشين
سايبين شغلهم وفي البيت قاعدين
وقال ايه بالمظاهرات متحججين
قبل ما نتكلم ونقول طالبين
احنا اللي لازم نكون متغيرين
لا واللي اسمو عكاشة وبعض الاعلاميين
اللي هم ليل ونهار عمالين
يشتمو على الريس وقال ديمقراطيين
لا ده كده تبقو ناس متخلفين
لازم يا شعب نكون مدركين
ومنمشيش ورا كلام الناس المغرضين
علشان الناس تعرف مين هم المصريين
أرسل مقالك للنشر هنا وتجنب ما يجرح المشاعر والمقدسات والآداب العامة
page2almesryoon@yahoo.com