لأ يا ظريف

قالوا زمان إن خلاص بقينا فى أمان
لما قالونا إن الإخوان هما الإسلام
قلنا يا سلام هيحكمنا راجل بيخاف الله
شفنا بداية حلوة حلاوة
واحد مدنى فاتح صدره ومش همه حد إلا راحتنا
حمدنا اللى خلقنا ورجعنا بيوتنا
وقلنا خلاص تحققت أهداف ثورتنا
بس سؤال هو دم بقى ليه بيتسال
مش هو اللى قال لو فى يوم تقلى سلام
همشى قوام ومش هخلى يموت إنسان
يا خسارة طلع كله كلام فى كلام
شفنا أوام ظلم وضرب لا وكمان سحل وخلع
والنسوان فى كل مكان تصرخ تقول شرفى بيتهان
وناس بتموت وفى أى مكان ومفيش حد بيسأل فينا
نقول دامات من ظلم اخوه يقولك لا دا مات من نفسه
واللى يزعل إن كانوا بيقولوا إحنا بنتعذب من ظلم فلان
هما الوقتى خلاص فى أمان والناس الباقية هما الإخوان
عايزين الشعب يقول يفكيك لأ يا ظريف
أصل إحنا بجد بطلنا التصقيف وهنصقف بس لكل شريف