معلهش يا مصر

الحكاية مش تأسيسية ولا إخوان ولا دستور
الحكاية مش كلام بنسمعه يملى آلاف السطور
السياسة عمرها ما كانت بالخرطوش ولا بالساطور
الحكاية إن المصرى بعد الثورة رافض يرجع طرطور
يامصر يا درة كل عصر فى قلوبنا معروف مكانك
ناس فيكى طمعانه فى القصر ومنهم باعك وخانك
دا القلب عليكى محسور حسر والعين بتبكى عشانك
لكن إللى بيطمنى إن ربنا ديما معاكى ومن الشرور صانك
معلش يا مصر لازم تتحملى الريح
أصل إنتى حظك كده وكلنا مجاريح
إيه إللى جرى لشعبك مابقاش ليه صريح
بكره يجنى الثمار وعمره ما هيستريح
مصر هانت خلاص على إللى عايشين فيها
ولدها عماله تخرب بدل ما تبنيها
فى ناس بتولع نار الفتنة لكن ربنا بيطفيها
ملناش غير يارب من كل شر إكفيها