الشعب هيس وعاوز ريس يكون كويس

من بعد ما ضربنا بابا وزعلنا ماما وجبنا جدو ومعاه صحابوا، وقولنا بس
مطالبنا جت، وكل حاجة هنلاقيها وحقوقنا جات ماهو جدو مش أى حد
الثورة حمتها وبعمرى فدتها والمصابين سفرتهم وأحسن علاج علاجتهم
والشباب فى المزرعة رحلتهم خوفآ عليهم، ما أنا جدهم ولجان تقصى عملتها
ووعدت بابا بفترة انتقامية وأنا أدها وقضاء نزيه وعدالة مفيش كد طبعا شوفتو إنجازاتى
متأسسة نصف البلد متخصخصة وعمالنا حتة برلمان صوتة بيعلا للسماء يقول يعيد مفيش جديد
وحكومة فى منتهى النظام أمن وأمان من غير كلام متشافشى حتى بلطجى والفقر فترة وانتهت
والشعب هيس وطلب ريس ويكون كويس ولقينا فلول ولقينا طعمية وشوفنا ياخويا ثورجية
قال اية مشى عاجبين أصل أحنا مش عايزين حرية ولما رفعنا شعار الكرامة قامت علينا القيامة
ورد عليهم جدو وقال كده هتودو البلد فى داهية دا شعب ملوش ديمقرطية انا هجيب اللى هيدلعكو
دامن يومه ريس طوال عمره كويس وعنده كريزما مكنش فلول طول عمره معانا عارف خبايانا
بره وجوه عينية سهرانة بس أوعى حد يقوله حقنا علشان دا عصبى ممكن يولع فينا كلنا وسياسته
ما فيهاش جديد وكان نائب شديد ياما وقف جمبنا ياما شال همنا كل أزمة حلهلنا السولار ياما جاب لينا
والعيش كتير والبلطجية مش هنا راجل تمام بيحب النظام هيخلى المعونة علشان يحرق دمنا
وكل وحد حقوا راجع من مية وانت طالع الشعب عاوز ايه بقى والصحة حلوة مفيش وباء ولافيروسات
بلاش ياشعب طيرتلى برجى الانتخابات عملتها بالتزوير سهلتها وفى الإخوان لبستها وصفقة تمت وقتها.