إتساهلنا وإستاهلنا

لسه بنسبح بحمدك رغم إنك .. مش خالقنا أو رازقنا حتى لو أحسنت جدا يبقى عملك مش عطيّه ولا منّه إنما التأليه هوايه لأ .. دا غايه لجل نوصل بيها جمبك وياما قلنا كلام يغرك وعمرنا ماحلمنا أبدا إننا نوصل لقلبك أو ندلك أو تكون حتى ف قلوبنا أو نفكر إننا ممكن نساعدك لجل تنجح ف المهمه وإنت برضه ماجاش ف بالك تستفز فينا همّه إتعاملنا معاك بشكل يسئ إليك وإتعاملنا معاك بذله إتعاملنا.. بس من دون أى ذمه وياما قلنا وياما عدنا والكلام الصح فعلا لسه محبوس جوه منا بس إيه خلانا خفنا خفنا سجنك؟ .. ولا يعنى إحنا إتساهلنا وإستاهلنا لما تطلع كلمه جارحه بالخيانه بتحاكمنا ودى النتيجه تبقى مش سامع لغيرك وف ضميرك إنك إنت الصح وإحنا .. كالبهايم ف البرّيه والغرور خلاك تفكر إنك إنت وبس تقدر ع الخروج من أى محنه والحقيقه عايز أقول لك كل ورطه وقعنا فيها فى الحياه كانت بسببك لأ .. لحظه .. وبسببنا وف الظروف الصعبه ديه يبقى مش من حق حد إنه يحلم يوم بجنه شعر : أيمن عماره