أنا بنت مصر

عشرة الصبح ف يوم الاتنين
رايح شغلى بقول يا معين
شافنى سألنى عم حسين
روحت جاوبتوا
قالى كمان ممكن سؤالين
قولتلو أسأل يالله وقوول
رد وقالى طول بالك مش معقول
طيب حاضر يالله يا سيدى ياعم فضووول
ممكن أعرف أية اللى بيحصل فى التحرير؟
قولتلوا عادى قامت ثورة ودة تغير
قال أسمالله !! طب والبت بتنزل ليه ؟
رود يا سيدى ساعدت البيه
قولتلو عادى ثورة ولازم كلوا يروح
محسن، فاطمة، عبد الهادي، أو ممدوح
قال تستاهل اللى جرالها
قولت ...... يا سيدى ......... سيبها ف حالها !
يعنى مصدق اللى جرالها
قالى يا عم دة فوتوشوب
قولت تعالى أستنى ستوب
بنت ونزلت للتحرير ... لجل الثورة والتغير
بنت بلدنا .. بنت عفيفة
نفسها تبقى ..... بلدها نضيفا
رد وقالي
سيبوا العجلة تمشى شوية
يالله يا عجلة لفى ودورى شوفى هيعمل أية جنزووري
يخرب بيتك فين النخوة !!؟ .. زيك زى البعداا الأخوة
نخوة مين وأنا مالى ياعم
قولتلوا عاارف أنا مكسوف إنك أنت يا صاحبى خررووف
برررق عينووا
و قال وأنا مالي
لا هى بت عمى ولا بت خاالي
قولتلوا عارف البنت مين ؟
حَمررر وشووه وهرش فى راسهُ
ورااح مغمض عينوا اليمين
قولى يا عم ............... الحلوة مين ؟؟
قولت الحلوة دى تبقى مصر
أتهز طولهُ وجَف حلقوُا
وقال دا ربك ... عالم بخلقوُا
عَنها وعنيه زى السحَااب
تمطُر دمووع تمطُر عِتااب
قولتلوا أُمك، بِنتك, مِراتك
ومش بعيد الست حَماتك
عاارف يا صاحبى دول يبقوا مين ؟
رد وجاوبنى دووول يبقوا مصر
و صَرخ بًصوُت مَليان دِموُع
بِنَبره عالية من غير رجوُع
أأأأأأأسف ياااااااامصر
لازم يا بلدى أرد إعتبارك
من كل ظالم قهرك وجارك
خلاص زهقنا صمت وسُكااات
وكل حاااجة تهون علينا
إلا يا نااااس عرض البنااات