باسم يوسف ساخرا فى برنامج كلمة أخيرة: أنا عميل وجهات خارجية بتمولنى

تصدر اسم الإعلامى باسم يوسف وبرنامج كلمة أخيرة الذى يقدمه أحمد سالم على قناة ON محركات البحث، بسبب خفة دم باسم يوسف وسخريته حتى من نفسه، ومن أبرز تصريحات باسم يوسف..
- سعيد بالعودة مرة أخرى إلى شاشة ON، بعد غياب 14 عامًا.
- بمجرد ظهورى فى أى برنامج أو لقاء، تظهر الشائعات متعلقة بالقيمة المادية التى أحصل عليها مقابل الظهور.
- ساخرا "طبعا الشائعات دى بتهدد جوازى، لأن مراتى طبعا، تطلع على أخبار عن مالغ عملاقة".
- ساخرا "أنا عميل وكدة، وجهات خارجية بتمولنى وجهات داخلية بتدفعلى من جوة".
- مراتى لما بتشوف الكلام عن أجرى المبالغ فيه بتقولى أنت بتودى الفلوس فين، أنت متجوز عليا، أنت فاتح بيت تانى.
- ساخرا "أنا مش باخد 22 مليون جنيه، أنا باخد 22 مليون دولار".
باسم يوسف

الإعلامي باسم يوسف

باسم يوسف

الإعلامي الساخر باسم يوسف

باسم يوسف

باسم يوسف

الإعلامي باسم يوسف

باسم يوسف

الإعلامي الساخر باسم يوسف

باسم يوسف

باسم يوسف

الإعلامي باسم يوسف

باسم يوسف

الإعلامي الساخر باسم يوسف

باسم يوسف

الإعلامي باسم يوسف
وكان قال باسم يوسف: "في حاجة حصلت ما كنتش متوقعها آخر سنتين، أنا لاقيت أهلي من مصر، بيقولوا لي الحق الفيديوهات اللي بتظهر فيها مع بيرس مرجان وغيره، بتنزل هنا في التليفزيون المصري، ولما سألت بتنزل فين قالوا بتنزل في القاهرة والناس، وكنت مستغرب، وكان أستاذ طارق نور دايما بيهنيني".
وأضاف: "في مرة كنت بصور برنامج عرب جوت تالنت، وكلمني وقالي أنا جايلك، وجالي الرياض، وقعدنا، وكريم ابنه صديق عزيز، وقعدنا أن والفريق بتاعي، وقالي بص يا باسم، الكلام اللي بتقوله ده، لازم تقوله في التليفزيون المصري، أنا قولت انا بقالي فترة مش بطلع، ومعرفش توقعات الناس، وقالي تعالى وقول نفس الكلام والموضوعات اللي بتتكلم عنها هنا".
وتابع: "قولت لأستاذ طارق نور، أنا معتقدش ان الناس عاوزاني أرجع مصر عشان أكرر نفس كلامي اللي بقوله عن فلسطين، الناس فاهمة فلسطين أكتر مني، فقالي ليه متعملش الموضوع ده من خلال تجربة شخصية، احكي من ورا الكواليس".
وأوضح: "بصراحة كنت متردد أوي، ودلوقتي، أكيد في ناس وصلت للجزء ده من البرنامج وأحبطت، بس أنا بشوف اننا نعمل اللي علينا، وتطلع تتكلم يمكن كلامك يفيد حد أو يفرق مع حد، والحلقة دي متعلقة بالخلفية بتاعت شخصيتي أنا".
باسم يوسف: قعدت 11 يوم مبخرجش من البيت بعد 7 أكتوبر بسبب "البروباجاندا" الغربية.
وكشف الإعلامي باسم يوسف عن قوة علاقته بالإعلامي بيرس مورجان وأسباب عدم ظهوره مؤخرا معه، متابعًا: "7 أكتوبر حصلت، يوم 10 أكتوبر كلموني، وهنا قولتلهم أنا مش هقدر أطلع، وفضلوا يسألوني مرتين وأنا أقول مش هطلع".
وتابع: "أنا قلت لا .. لأن البروباجاندا اللي شوفناها في أمريكا، غير اللي انتم شوفتوها خالص، الناس كانت بتتكلم عن ذبح أطفال صغيرة، واغتصاب جماعي، وحرق جثث".
وواصل حديثه: "البروباجاندا كانت مرعبة لدرجة إني مكنتش عارف أخرج من بيتي، لدرجة ان في ناس أصحابي كلموني وشتموني، وقالوا لي انتم إرهابيين ووحوش".
وتابع: "أول مرة طلعت مع بيرس مورجان، كان يوم 18 أكتوبر، وال 11 يوم من بعد 7 أكتوبر، أنا كنت مستخبي في البيت مش عاوز أطلع، لأن حجم الدعايا كان فوق الخيال، وفي الوقت ده الناس قالت انت جبان مبتطلعش ليه".
وقال: "يوم 18 أكتوبر قررت أطلع، والإيجنت بتاعتي كلمني قالي انت بتنهي مستقبلك بالموضوع ده".
وأوضح: "أنا حاسس إني من بعد 7 أكتوبر، اتعلمت حاجات كتير جديدة عن القضية الفلسطينية، وقبلها كنت فاكر اني اعرف حاجات عن فلسطين، لكن اكتشفت اني كنت جاهل، من الحاجات اللي اتعلمتها، انك ممكن تبقى معاك الحق والمعلومات، لكن يغلبوك بالمجادلة وإزاي تقع في كماين".