جايين فى سباق نشد سوا.. اعترافات المتهم الثالث بواقعة مطاردة فتيات طريق الواحات

حصلت اليوم السابع على نسخة من نص تحقيقات نيابة أول وثالث أكتوبر، في القضية المعروفة إعلاميا ب" حادث مطاردة طريق الواحات" والمتهم فيها 4 شباب بمطاردة سيارة يستقلها 3 فتيات على طريق الواحات وتسببوا عقب إغلاق الطريق بالاصدام في سيارة مقطورة الأمر الذى تسبب في إصابتهن بجروح في مختلف أنحاء جسدهن.
بدأت التحقيقات مع المتهم الثالث "مهند . ج . ال" 24 سنة، طالب بكلية هندسة وتم سؤاله بالآتى فأجاب:
س : ما قولك فيما هو منسوب اليك انك متهم بالاشتراك مع أخرين معلومين بالتعرض للمجنى عليهم كلا من "رنا . ا " و "نزال . ي" وكان ذلك بالطريق العام بأن ارتكبتم أمورا وإيحاءات وتلميحات جنسية، وذلك حول كونكم 4 أشخاص وقمتم بتكرار تلك الأفعال من خلال ملاحقة وتتبع المجنى عليهم.
ج : محصلش
س: ما قولك فيما هو منسوب اليك من انك متهم بالاشتراك مع اخرين معلومين بالتسبب في اتلاف السيارة المملوكة للمجنى عليها رنا ؟
ج : محصلش
س: ما الذى حدث اذا وما هي ظروف ضبطك وعرضك علينا؟
ج: اللى حصل إنى طالب هندسة في جامعة نوال وكنت رايح الجامعة بتاعتى عادى بس كلمت صحابي لقيتهم بره، قولت اروح أقعد معاهم لحد معاد الجامعة ، وقابلت واحد صحبي اسمه " أحمد . ش" وطلعنا قعدنا في سيركل كيه ، كان صاحبي عايز يدخل الحمام وكانت ساعتها الساعة 5:50 صباحا وفضلنا قاعدين لحد 6:10 صباحا وبعدين واحنا بنركب العربية شوفت تلات بنات لابسين لبس مش كويس، وبيركبوا عربيتهم فعادى واحنا طالعين بقولهم " جايين في سباق نشد سوا بالعربيات" وهما في العربيات راحوا ضحكوا بس محدش اتسابق ولا حاجة.
واستكمل : فخلاص كملت طريقي وانا راجع وحتى انا كنت وراهم ومرة واحدة شوفت العربية بتاعت البنات دى خبطت في عربية نقل كانت راكنة على الشمال فركنت عربيتى ونزلت بسرعة أطمن عليهم وساعدتهم وخرجت واحدة منهم من العربية واطمنت عليهم وبعدين روحت على البيت وبعدين الجامعة بتاعتى وبعدها وانا قاعد في البيت لاقيت الشرطة جت خدتنى وخدت مفاتيح العربية وجابونى على القسم وده كل اللى حصل.
س: وما سبب مناسبة وجودكما بالزمان والمكان؟
ج: احنا كنا رايحين الحمام
س: من كان برفقتك آنذاك؟
ج: كان معايا واحد صاحبي اسمه احمد .ِش.