سناء منصور توضح أكتر سؤال بيتردد على لسان الرجالة.. وتؤكد: كل ست غير التانية

قالت الإعلامية سناء منصور فى بداية حلقة اليوم من برنامج "ست ستات" على قناة "DMC"، حلقة اليوم "هى الستات عايزة إيه؟"، وده أكتر سؤال بيتردد على لسان الرجالة ومحسسيننا إنه لغز كبير وصعب جدا إنهم يحلوه أو يفهموه، والراجل حاسس إنه لو فى إجابة للسؤال ده فكل مشاكله هتتحل".
ولفتت الإعلامية القديرة سناء منصور إلى إنه فيه ستات عارفة كويس هي عايزة إيه وفيه ستات مش عارفة، يعني كل ست غير التانية".
وطرحت سناء منصور، سؤال على زملائها الإعلاميين فى الأستوديو وهو ياترى الستات عارفة هى عايزة إيه بالظبط؟، حيث أجابت الإعلامية سالى شاهين قائلة :أيوة هى عارفة عاوزة إيه فى علاقتها بالراجل اللى هترتبط بيه، عاوزاه حنين وتحس معاه بالأمان وإنه فى ضهرها، والمشكلة إن الست بتعدى حاجات علشان الحياة تمشى وبتيجى على نفسها فى حاجات كتير".
أما الإعلامية جاسمين طه زكى قالت :"الستات عارفين كويس إنهم عاوزين إيه ومحددين شكل الرجل اللى عاوزه ترتبط بيه، وترسم صورة فى خيالها لفارس الإحلام، وكلما تربت البنت على أن يكون لديها ثقة فى نفسها وعقلها هتعرف هى عاوزة إيه".
وتقدم حلقات برنامج "ست ستات" على قناة "DMC"، كل من الإعلاميات سالى شاهين ونهى عبد العزيز وشريهان أبو الحسن وآية جمال الدين وجاسمين طه زكى وسناء منصور.
ويقدم البرنامج يوم السبت من كل أسبوع الإعلامية سالى شاهين ويوم الأحد الإعلامية نهى عبدالعزيز، فيما تقدم البرنامج يوم الاثنين الإعلامية شريهان أبو الحسن وفى يوم الثلاثاء الإعلامية آية جمال الدين، أما يوم الأربعاء فتقدم البرنامج الإعلامية جاسمين طه زكى ويوم الخميس الإعلامية سناء منصور، وفى يوم الجمعة تقدم المذيعات الست الحلقة ليتناقشن فى موضوع مهم من وجهة نظر كل واحدة منهن.
يسلط "ست ستات" الضوء على قضايا المرأة والمجتمع والأسرة، ويقدم العديد من الفقرات التى تخاطب وتهم الشارع المصرى، كما يسلط الضوء على مختلف القضايا التى تمس الأسرة، بالإضافة إلى محتوى متنوع يعكس الاهتمامات والتحديات التى تواجه المجتمع.