مريم أمين فى "6 ستات": الست بتتجوز لما تلاقى الشخص اللى مش عارفة تعيش من غيره

قالت الإعلامية مريم أمين خلال لقائها ببرنامج "ست ستات"، المذاع عبر قناة "DMC"، مع الإعلامية سالى شاهين مقدمة البرنامج:"الست بتجوز لما تلاقى الشخص اللى مش عارفة تعيش من غيره، ولو مش بتحبه مش هستحمله".
وأوضحت مريم أمين مواصفات شريك حياتها:"زمان كنت عاوزة العيشة المرفهة وقدام شوية لقيت الدنيا فى حتة تانية خالص، ولكن عاوزة الشخص اللى يحتوينى، واللى مطلوب من الشخصية دى أنه يكون بيحبنى ويحتوينى على أد ما يقدر وهديله عنيا".
تابعت مريم أمين:"مافيش حاجة إسمها متطلباتك إيه فى اللى هتتجوزيه، أنا نفسى بتغير مش هو بس، الرجالة بيخافوا مننا، ففى ناس تريد الأمان المادى، وفى اللى بيعرف يبسط نفسه بنفسه، ولو احتوانى هحتويه، واللى خايف منى ميلزمنيش، أنا مش هكلك".
وتقدم حلقات برنامج "ست ستات" على قناة "DMC"، كل من الإعلاميات سالى شاهين ونهى عبد العزيز وشريهان أبو الحسن وآية جمال الدين وجاسمين طع زكى وسناء منصور.
ويقدم البرنامج يوم السبت من كل أسبوع الإعلامية سالى شاهين ويوم الأحد الإعلامية نهى عبدالعزيز، فيما تقدم البرنامج يوم الاثنين الإعلامية شريهان أبو الحسن وفى يوم الثلاثاء الإعلامية آية جمال الدين، أما يوم الأربعاء فتقدم البرنامج الإعلامية جاسمين طه زكى ويوم الخميس الإعلامية سناء منصور، وفى يوم الجمعة تقدم المذيعات الست الحلقة ليتناقشن فى موضوع مهم من وجهة نظر كل واحدة منهن.
يسلط "ست ستات" الضوء على قضايا المرأة والمجتمع والأسرة، ويقدم العديد من الفقرات التى تخاطب وتهم الشارع المصرى، كما يسلط الضوء على مختلف القضايا التى تمس الأسرة، بالإضافة إلى محتوى متنوع يعكس الاهتمامات والتحديات التى تواجه المجتمع.