بدون تفصيل

ورص كلام
وعجن كتير
بدون تطويل
و لا تفسير
سمعنا كتير
و ف الاخر
مفيش تغيير
بدون تطويل
بقولها كلمه
فيها كتير
من التحليل
بقولها و رزقى ع
الخالق ..ولا خايف
ولا مقهور
ولا تفرق معايا كتير
بقول الحق ضاع منا
بقول الصبر فاتنا بلاد
بقول وانا عاشق الجنه
و مش لاقى غير الجلاد!
بقول وأنا بسقى
ف الزرعه
وببنى بيها
ف الامجاد
بقول علوها يا اخواتى
و ربوا الولد والاحفاد
نسيتوا العشرة والطيبه
كبرتوا بس ف الخيبه
نسيتوا تراثنا و زمانه
نسيتوا الفخر والهيبه
جريتوا ناحيه البركان
وقلدتوا وقلتوا
يا مان
وقلتوا الهاى
والايتيكيت
و قلنا الضاد؟
رديتوا:
ده كان ياما كان
يادى الوكسه يادى العيبه
ولادنا نجحوا ف الخيبه
فراعينا خدوها نفاق
ونسونا بلاد طيبه