الرئيس السيسى: اضطرينا نعمل كل حاجة لأن كل الملفات كانت محتاجة جهد

تطرق الرئيس عبدالفتاح السيسي لمشروعات النقل والطرق في احتفالية عيد الشرطة ال 71، وتساءل: "فيه حاجة خاصة بمشروعات الشبكة القومية للطرق والنقل.. هل كان يمكن للموانئ المصرية يكون ليها دور في التجارة العالمية واحنا في منطقة في منتهى الأهمية وبتمر منها قناة السويس و18 % من التجارة العالمية، إن موانينا في مصر متكونش جاهزة لهذا التطوير وهذه التنمية المحتملة؟".

أضاف الرئيس السيسي: "هل شبكة الطرق اللى موجودة وداخلين على مبلغ 2 تريليون جنيه.. القضية اللى حصلت ايه ان احنا اضطرينا نعمل كل حاجة.. ماكانش عندنا ترف أولويات نسيب حاجة ونشتغل في حاجة تانية، لأ ن كل الملفات كانت محتاجة جهد ومواجهة حقيقية لتستطيع الدولة ان تتجه إلى المستقبل.
وذكر الرئيس السيسي: الشبكة القومية للطرق، أنا بلف كتير وبقول يا ترى لو ده متعملش الناس كانت هتمشى ازاى؟ مش بس في القاهرة والإسكندرية..الخلاصة ان مكنش عندنا ترف او سوء تقدير في الموضوع ، يعني مكنش سوء تقدير في الموضوع .. لا.. بس خلى بالكم وانتوا بتعملوا ده ، حجم وقدرة الدولة قد ايه علشان يتعمل ده كله في 7 سنين ، ده عبء كبير قوي وضخم جدا".

واصل الرئيس: "لو بنحاول نعمله دلوقتي يتكلف قد اللى اتعمل ده 3 أ 4 أو 5 مرات ما يقرب من 60 مليون مواطن في مصر وده مكنش ترف او مبالغة مكنش ينفع نسيب حياة الناس دي بالطريقة دي ونقول ان الخطة دي تتعمل في 15 سنة او 20 سنة.. كنا بنحلم نخلص الموضوع ده في 3 سنين وحطينا رقم ضخم جدا ولما نزلنا اشتغلنا وشوفنا الواقع على الأرض لقينا الوقت والتكلفة اكتر بالإضافة الى ظروف الازمة الاقتصادية..طيب هل ده كان ممكن ان احنا منقومش بتغيير حياة الناس في مصر وناجل الموضوع ده او يتعمل على مراحل تاخدلها سنين طويلة ..كل يوم بيعدي من غير متعمل فيه التغيير او الإصلاح في حياة الناس فيه ناس بتتعذب وبتعاني وبتتالم".