محمد محمود عبد العزيز ينشر صورة من كواليس تصوير "الكيت كات": سعيد بتاريخ والدى

احتفل الفنان الشاب محمد محمود عبد العزيز، بندوة "فيلم الكيت كات"، بمهرجان القاهرة السينمائى الدولى، لمرور 30 عامًا على انتاجه، وقال عبر إنستجرام :"كان نفسى أحضر لكن للأسف ماقدرتش بسبب انشغالى بالتصوير، لكن قلت أشارك المهرجان فى إحياء هذه المناسبة بصورة ليا مع والدى وكريم أخويا والنجم الراحل نجاح الموجى من كواليس تصوير الفيلم اللى تشرفت إنى حضرت تصويره واتشرفت إنى احتكيت عن قرب بصناعه سواء أمام الكاميرا أو خلفها واللى اتعلمت منهم ومن قربى ليهم ومن مجهودهم وتاريخهم فى صناعة الفن كتير".
صورة من كواليس فيلم الكيت كات

محمد محمود عبد العزيز

وقال محمد محمود عبد العزيز عبر حسابه الرسمى بانستجرام :"اليوم كانت الندوة الخاصة بفيلم الكيت كات فى مهرجان القاهرة السينمائى الدولى فى دورته ال43 بحضور صناعه لمرور 30 سنة على انتاجه، ان نفسى احضر لكن للأسف ماقدرتش بسبب انشغالى بالتصوير، لكن قلت اشارك المهرجان فى إحياء هذه المناسبة بصورة ليا مع والدى و كريم أخويا و النجم الراحل نجاح الموجى من كواليس تصوير الفيلم اللى تشرفت إنى حضرت تصويره و اتشرفت إنى احتكيت عن قرب بصناعه سواء أمام الكاميرا أو خلفها و اللى اتعلمت منهم و من قربى ليهم و من مجهودهم و تاريخهم فى صناعة الفن كتير، و اللى حببونى فى شغلانتنا و اثبتوا لى و للجميع و بكل البراهين أن الفن الحقيقى بيعيش و يشرف صاحبه و يخلد ذكراه حتى لو لم يعد على قيد الحياة".
وتابع :"ولا استطيع إخفاء سعادتى بتاريخ والدى المشرف اللى بافتخر بيه فى كل وقت و بأعمل حسابه فى كل خطوة باخدها فى مسيرتى سواء الانتاجية أو التمثيلية، (أسألكم الفاتحة و الدعاء لابويا و لكل من رحلوا عنا)".
فيلم "الكيت كات" عرض عام 1991، وهو بطولة محمود عبد العزيز، أمينة رزق، شريف منير، عايدة رياض، نجاح الموجى، على حسنين، أحمد كمال، جيهان نصر، جليلة محمود، أمل إبراهيم، أحمد سامى عبد الله، عثمان عبد المنعم، أيمن عبد الرحمن، نادية شمس الدين، صلاح صادق، وتأليف وإخراج داود عبد السيد.