ثورة تانية طلعة بكرة

ثورة تانية طلعة بكرة
واخده درس من اللى فات
شايلة حلم مرارته ذكرى
رافعه راسها من السُبات
ناسية عذاب سجان الفكرة
كارهة فلول ووشوشهم عكرة
حالفه ما يرجع تانى سُّكات
ثورة تانية طلعة قوية
لامّه جراحها وكاتمة أهات
مش هتطاطى لقبضة غبية
مش هتبيعها لحفنة غنية
ولا إعلام ماسكين له صجات
راجعه بقوة عزيزة ابية
حكم العسكر مش حرية
حكم العسكر مش حرية
يحكم مدنى مش لواءت
ثورة تانية فى كل ميدان
نصبة خيمها تعيد حسابات
مش هيكون فى صفوفها جبان
ولاهتخاف ضرب السجان
لم كلابك.
لم كلابك خوفى اهو مات
واقفة تنقى شبابها بدقة
عارفة الحق تاكلها بدُقة
رافضه الذل وأكل فُتات
ثورة تانية طلعة تنادى
ذُل السجن ده مش لولادى
ذُل السجن ده مش لولادى
بطل ظلم كفاية شعارات
فتنة بلدى ده لعب أيادى
مرسوم خيطها بدون بصمات
ثورة تانية رفضة الجانى
مش هتطول فترتها ثوانى
مش هيطول من خيرها أنانى
ناسية القسمة وخد أو هات
ثورة طلعة تعمر تبنى
عارفة المخرج م الأزمات
مش راح يحكم فيها غيرابنى
صاحب المبدء كله ثبات
صاحب المبدء. كله ثبات
31/10/2011 حاتم إبراهيم f-قصائد من التحرير