هنيدى ل لميس الحديدى: كنت باكل ترمس على النيل وكنا هنغرق فى"يانا يا خالتى"

قال النجم محمد هنيدى: أنا بحب نهر النيل جدًا بعيدًا عن الجو الحلو والقعدة الحلوة ليا ذكريات معاه حلوة، خاصة أيام ما كنت عايش في إمبابة وأنا صغير وكنا بنشوف النيل قريب من البيت، وبروح أنا وأصحابى نذاكر هناك وقت الثانوية العامة.

وأضاف هنيدى، خلال لقائه في برنامج "كلمة أخيرة" تقديم الإعلامية لميس الحديدى، المذاع على قناة ON، شكل المراكب في النيل كان جميلا وكنت بتعرف على أصحابها وكمان صورت فيه كتير جدًا لما كبرت، وأكيد حبيت على النيل برده، وكنت باكل ترمس وحمص ودرة وتين شوكى، وأنا لسه على تواصل مع أصحابى في إمبابة وبروح أي مناسبة هناك وبشوفهم.

تابع، كنت أنا وعلاء ولى الدين وأشرف عبد الباقى روحنا مركب في المعادى نقعد لوش الفجر وواخدين الأكل وكل حاجة معانا وننام ونصحى، ولكن كان ليا موقف في النيل وقت تصوير فيلم "يانا يا خالتى" مع دنيا سمير غانم وكان النيل قلب فاجأة زى البحر وبقى في موج وسحب وتيارات، وأنا بعرف أعوم إلى حد ما ولكن كان في غواصين طبعا وكده

واستكمل، في فترة النيل كنت بلعب كرة قدم وكنت فاكر إنى هاكون لاعب كرة جامد، وروحت مدرسة كرة في الزمالك وكنت بلعب خط وسط، أما بالنسبة لموضوع إنى أكون محامى فكان والدى متخيل انى أكون محامى وكمان أنى أوصل أبقى وكيل نيابة، ولكن هما سنتين وسقط في الحقوق، لأن كل وقتى كان للمسرح فاتجهت للتمثيل.
وانتهى النجم محمد هنيدى من فيلمه "النمس والإنس" واحتفل بانتهاء التصوير باستوديو شريف عرفة بصور جمعته بالنجوم سليمان عيد وعمرو عبد الجليل وصابرين ومنة شلبى، ويدخل الفيلم مراحل المونتاج استعدادًا لعرضه فى السينمات قريباً، وحتى الآن لم تحدد الجهة المنتجة موعد نهائي لعرضه حتى الأن.

ويجسد النجم محمد هنيدى خلال الأحداث دور موظف حكومى فقير يتعرض لكثير من المصائب بسبب مهنة والده ويجسده شريف دسوقى، والتى تكشفها أحداث المشاهد الأولى من الفيلم، ومع مرور الأحداث نجد هنيدى يقع فى غرام منة شلبى التى تشاركه فى بطولة العمل، حتى يتزوج منها.
فيلم "النمس والإنس" بطولة محمد هنيدى، منة شلبى، عمرو عبد الجليل، صابرين، بيومى فؤاد، محمود حافظ، شريف دسوقى، جنيا ماهر، عارفة عبد الرسول وعدد آخر من الفنانين، إضافة لظهور أكثر من فنان كضيف وعلى رأسهم شيكو، والعمل تأليف كريم حسن بشير وإخراج شريف عرفة.
هنيدى
لميس الحديدي
محمد هنيدى
حلقة هنيدى
برنامج كلمة اخيرة
الموضوعات المتعلقة
هنيدي بعد فوز توتنهام على مان يونايتد 6-1 ساخرا: الرقم ده مابيفكرنيش بحاجة
الأحد، 04 أكتوبر 2020 09:44 م
محمد هنيدى ضيف لميس الحديدى فى "كلمة أخيرة" الاثنين المقبل.. فيديو وصور
السبت، 03 أكتوبر 2020 10:45 م
أحمد السقا يتحدث عن محمد هنيدى ويروى موقفا كوميديا جمعه بسليمان عيد
الجمعة، 02 أكتوبر 2020 10:46 م
محمد هنيدى ينضم لحملة "حب المحلى" لدعم المشاريع الصغيرة والحرف اليدوية
الجمعة، 02 أكتوبر 2020 03:05 م