علق الإعلامي عمرو أديب، على محاولات جماعة الإخوان لإثارة الرأى العام وتخريب البلاد، وقال: "واضح أن الجماعة مستكترين أنهم يمشوا ورا الواد اللى اسمه محمد على، وحاصل خناقة جوة الجماعة، والأمر له علاقة بالفلوس، وفى كلام بينهم دلوقتى على الرواتب اللى بياخدها الناس اللى مشغلينهم على مصر، وكان الأمر ده بيحصل من تحت لتحت ومن سكات، لكن إمبارح لاقيت رموز إخوانية كاتبة تويتات مباشرة بتقول أنتوا بتفبركوا فيديوهات ما تيجبوا فيديوهات جديدة، وبيخبطوا فبعض جامد". وأضاف عمرو أديب خلال برنامج الحكاية الذى يذاع على قناة mbc مصر: "لو حد زعلان أو حد غضبان أو حد عنده مطالب، ماشي أنا ممكن أقتنع، لكن امبارح شوفت حاجة غريبة، هاشتاج طالع تريند اقتحموا مدينة الإنتاج، هو من أمتى تويتر بيسمح بالحاجات دى، وأنا فاكر لما حازم صلاح أبو إسماعيل كان معتصم والناس بتوعوا خارج المدينة، وحازم صلاح كان واقف مستنيني بالسكينة برة، وفيوم اقتحموا المدينة ودوروا علينا ملقوناش".
وقال: "الإخوان بقى عندهم هيستريا الهاشتاج، على فكرة هما غيروا اقتحام مدينة الإنتاج وبقت مدينة الإنتاج بس، قال يعنى بيضحكوا على تويتر، هو تويتر ده مفيهوش حد بيفهم عربى يا جماعة؟ الحمد لله الداخلية بتاعتنا مفيش مشاكل أو حاجة نتوقف عندها، والأمور ماشية بشكل طبيعى، والأمن بيتعامل بشكل جيد جدا بمنتهى الأمانة".
وأوضح: "لبنان انهاردة كانت بتحط وزارة، وخلال لقاء الصحفيين مع رئيس الجمهورية، صحفية بتسألوا أحنا رايحين على فين، الراجل رد بمنتهى السرعة إحنا رايحين على جهنم، إجابة صادمة بتدل على صعوبة الأمر في لبنان، والمحافظة على الدولة أمر ليس يسيرا". الاخوان جماعه الاخوان الجماعه الارهابيه الارهاب شائعات الاخوان تويتر الموضوعات المتعلقة صلاح عبد الله فى حوار خاص ل"تليفزيون اليوم السابع": لجان الإخوان بتهاجم أى حد بيتكلم عن البلد كويس.. إديت دروس و"الجلطة" منعتنى من الأكشن.. لاعيبة الزمالك دلعهم ماسخ ورضا عبد العال بيضحكنى الإثنين، 21 سبتمبر 2020 10:22 م مختار نوح: المقاول الهارب هو البضاعة المتاحة حاليا لدى جماعة الإخوان الإثنين، 21 سبتمبر 2020 10:06 م كاتب يوضح ل"إكسترا نيوز" فشل دعوات الإخوان التحريضية منذ سقوط حكم الجماعة الإثنين، 21 سبتمبر 2020 09:46 م إكسترا نيوز تستعرض أكاذيب الإخوان ولجوئهم للفبركة بعد فشل دعواتهم التحريضية.. الإعلامية آية عبد الرحمن تفضح تزييف الجماعة للواقع.. الكاتب يوسف أيوب: التنظيم يرفع شعار لا جديد يذكر لأن القديم كله يعاد الإثنين، 21 سبتمبر 2020 09:38 م يوسف أيوب: جماعة الإخوان ترفع شعار لا جديد يذكر لأن القديم كله يعاد الإثنين، 21 سبتمبر 2020 09:10 م