ارتفاع أسعار الذهب عالميًا اليوم الخميس 14-8-2025    أسعار الأسماك والخضراوات والدواجن اليوم 14 أغسطس    تحرك الدفعة ال 15 من شاحنات المساعدات المصرية لغزة عبر معبر كرم أبو سالم    شكك في أسس الدين الإسلامي، السجن 5 سنوات لزعيم الطائفة البهائية في قطر    حركة القطارات| 45 دقيقة تأخيرًا بين قليوب والزقازيق والمنصورة.. الخميس 14 أغسطس 2025    500 مليون جنيه لتمويل المشروعات متناهية الصغر بالمحافظات    التايمز: بريطانيا تتخلى عن فكرة نشر قوات عسكرية فى أوكرانيا    بسبب انتشار حرائق اليونان.. اشتعال مئات المركبات    شقيقة زعيم كوريا الشمالية تنفي إزالة مكبرات الصوت على الحدود وتنتقد آمال سيول باستئناف الحوار    سموتريتش يعطى الضوء الأخضر لبناء 3400 وحدة استيطانية    تفاصيل القبض على «أم ملك وأحمد» صانعة المحتوى    ياسين السقا يروي كواليس لقائه الأول مع محمد صلاح وأول تواصل بينهم    أدعية مستجابة للأحبة وقت الفجر    طريقة عمل مكرونة بالبشاميل، لسفرة غداء مميزة    أروى جودة تطلب الدعاء لابن شقيقتها بعد تعرضه لحادث سير خطير    موعد مباراة بيراميدز والإسماعيلي اليوم والقنوات الناقلة في الدوري المصري    الأحزاب السياسية تواصل استعداداتها لانتخابات «النواب» خلال أسابيع    درجة الحرارة تصل ل49.. حالة الطقس اليوم وغدًا وموعد انتهاء الموجة الحارة    أزمة نفسية تدفع فتاة لإنهاء حياتها بحبة الغلة في العياط    الاَن.. رابط تقليل الاغتراب 2025 لطلاب تنسيق المرحلة الأولى والثانية (الشروط وطرق التحويل بين الكليات)    باريس سان جيرمان بطلًا ل كأس السوبر الأوروبي على حساب توتنهام بركلات الترجيح    بعد إحالة بدرية طلبة للتحقيق.. ماجدة موريس تطالب بلجنة قانونية داخل «المهن التمثيلية» لضبط الفن المصري    موعد مباراة مصر والسنغال والقنوات الناقلة مباشر في بطولة أفريقيا لكرة السلة    في ميزان حسنات الدكتور علي المصيلحي    «زيزو اللي بدأ.. وجمهور الزمالك مخرجش عن النص».. تعليق ناري من جمال عبد الحميد على الهتافات ضد نجم الأهلي    الصين تفتتح أول مستشفى بالذكاء الاصطناعي.. هل سينتهي دور الأطباء؟ (جمال شعبان يجيب)    العدوى قد تبدأ بحُمى وصداع.. أسباب وأعراض «الليستيريا» بعد وفاة شخصين وإصابة 21 في فرنسا    توب وشنطة يد ب"نص مليون جنيه"، سعر إطلالة إليسا الخيالية بمطار القاهرة قبل حفل الساحل (صور)    أصيب بغيبوبة سكر.. وفاة شخص أثناء رقصه داخل حفل زفاف عروسين في قنا    كمال درويش: لست الرئيس الأفضل في تاريخ الزمالك.. وكنت أول متخصص يقود النادي    لحق بوالده، وفاة نجل مدير مكتب الأمن الصناعي بالعدوة في حادث صحراوي المنيا    بالقليوبية| سقوط المعلمة «صباح» في فخ «الآيس»    بأكياس الدقيق، إسرائيليون يقتحمون مطار بن جوريون لوقف حرب غزة (فيديو)    "سيدير مباراة فاركو".. أرقام الأهلي في حضور الصافرة التحكيمية لمحمد معروف    كواليس تواصل جهاز منتخب مصر الفني مع إمام عاشور    انطلاق بطولتي العالم للشباب والعربية الأولى للخماسي الحديث من الإسكندرية    تفاصيل استقبال وكيل صحة الدقهلية لأعضاء وحدة الحد من القيصريات    وداعًا لرسوم ال 1%.. «فودافون كاش» تخفض وتثبت رسوم السحب النقدي    بدائل الإيجار القديم.. فرصة ذهبية قبل الطرد و90 يومًا فاصلة أمام المستأجرين    سعد لمجرد يحيي حفلًا ضخمًا في عمان بعد غياب 10 سنوات    تحذير بسبب إهمال صحتك.. حظ برج الدلو اليوم 14 أغسطس    محافظ قنا ووزير البترول يبحثان فرص الاستثمار التعديني بالمحافظة    محافظ الغربية يعلن حصول مركز طب أسرة شوبر على شهادة «جهار»    الجامعة البريطانية في مصر تستقبل الملحق الثقافي والأكاديمي بالسفارة الليبية لتعزيز التعاون المشترك    رئيس الأركان الإسرائيلي: اغتلنا 240 من عناصر حزب الله منذ وقف إطلاق النار مع لبنان    شيخ الأزهر يدعو لوضع استراتيجية تعليمية لرفع وعي الشعوب بالقضية الفلسطينية    المركز الإفريقي لخدمات صحة المرأة يحتفل باليوم العالمي للعمل الإنساني تحت شعار "صوت الإنسانية"    البحيرة: ضبط المتهمين بقتل شخصين أخذا بالثأر في الدلنجات    تحديد هوية المتهمين بمضايقة فتاة على طريق الواحات.. ومأمورية خاصة لضبطهم (تفاصيل)    انتهاء تصوير «السادة الأفاضل» تمهيدًا لطرحه في دور العرض    في ذكراها ال12 .. "الإخوان": أصحاب رابعة العزة، "قدّموا التضحيات رخيصة؛ حسبةً لله وابتغاء مرضاته وحفاظًا على أوطانهم    تداول طلب منسوب ل برلمانية بقنا بترخيص ملهى ليلي.. والنائبة تنفي    حنان شومان: "كتالوج تناول نادر لفقد الزوج زوجته.. وأجاد في التعبير عن مشاعر دقيقة"    أحمد صبور: تحديات متعددة تواجه السوق العقارية.. ومصر قادرة على جذب الاستثمارات الأجنبية    ما قبل مجازر (الفض).. شهادات لأحياء عن "مبادرة" محمد حسان والمصالحة مع "الإخوان"    ما حكم من يحث غيره على الصلاة ولا يصلي؟.. أمين الفتوى يجيب    خالد الجندي يوضح أنواع الغيب    خالد الجندي ل المشايخ والدعاة: لا تعقِّدوا الناس من الدين    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



مَلِكْ الْغَابةْ!!
نشر في اليوم السابع يوم 06 - 09 - 2011


دنيا وعايشين فيها غَلابَة
بس الدنيا ساعات تِتْحَوِل
شوية شوية تِصْبَحْ غَابة
قلت أتْمَشَّى فى وسط الدنيا
وأشوف بِعْنَيَّه الحال الأول
أشوف مين عايش ونَاِفْشْ رِيشُهْ
وأشوف مين عايش بس بْجِيشُه
وأشوف مين عايش مع دَرَاويِشُه
وأشوف مين عايش مَيْتْ حَى
وأشوف من عاش فى الحب صَبَابة
.........................
واحد حارس عَالبوابة
قَالِى إتفضل ولْمِينْ جَايْ
قُلتْ أتمشى وأشوف الدنيا
أشوف إيه حاصل
وليه الناس كُلَّتْهَا تَعَابة
قال إتفضل إدخل جُوة
بس اْسْتَحْمِل م إللى تْشُوفُه
م إللى يقولك عاوز حَقْي
وم إللى ينادى عليك ويْزَعَقْ
وإللى يْقَطَّعْلَكْ فى هْدُومَكْ
وإللى يْصَرَخْ وإللى يْحَمْرَقْ
ومَتِزْعَلْشْى
خَللى حسابك عَالْحَسَّابة
......................
سِمِعْتْ الناس بِتْقُول فى كلام
إللى بيحكى عن حكاياتهُ
وعن أَساطيرهُ وعن رواياتهُ
وإللى يقول أنا شُفتْ مَنَامْ
وإللى يقول أنا هَمِّى فْطَارى
هَمِّى أْتْغَدَّا وهَمِّى أتْعَشَّى
هَمِّى فى نفسى كفاية عليا
أَكْلْ ولادى حِلْمْ الأحلامْ
وإللى حكايته بقتْ مشهورة
جِوة الصورة وف الأفلام
عامل نفسه زعيم الثورة
عاوز الناس تِضْرَبْ لُه سلام
وإللى يقول دا مفيش زَيى
وبحكى وأغنى وبَرْقُصْ بلدى
مانا مِتْعَلِمْ أحلى عَلاَمْ
.......................
سِبتْ الدنيا رُحتْ الغابة قُلتْ أتمشى
غابة واسعة وحلوة وبِرِحَة
وتنفع نكتب فيها قصيدة
ونرسم صورة وأحلى سُطور
وأكيد بعد الضلمة ماراحت
شعب الغابة مِسْتَنِّى الْنُورْ
فَتَحْتْ عِنَيْه أشوف الغابة
بَبُصْ بعيد شُفْتْ طُيور
بتجرى بسرعة بَرَه الغابة
بتقول خَايفه ياكُلْهَا نْسُور
حتى القُطَة بدال ماتْخَرْبِشْ
تِجرى بسرعة تْنُطْ السُور
ألف خسارة فى نُص الصورة
شُفت حريقة فى وسط زهور
وشُفت الفيل بيقول موواويل
وإنه هَيكْشِّف ف المستور
وأبو قردان بيقول فى بَيان
والْتَّعلبْ واقف مغرور
بيقول للكُلْ خلاص م الليلة
مفيش للغابة رئيس يِحْكُمْنا
ومَلِكْ الغابة جِوة ف قَفَصُه
هناك محبوس ومريض محظور
وقرود واقفه هناك تِتْنَطَّطْ
بتقول عينى بقت عَالْحُكْمْ
ولازم مَرَّة يْجِينِى الدُور
.......................
قصة غريبة , وقصة عجيبة
معقولة يِحْصَلْ دا فى شهور
أكتر حاجة نفسى أسمعها
كانت قصة ملك الغابة
وإللى حصله بعد الْمُلْك
وبعد الحكم وبعد الْفَرحة
إللى معاه وإللى يساعدوه
بعد التاجْ وِلْبْسْ العاجْ
ثَارْ الشعب لِبسوا الْطَرْحَة
.......................
وِمَلِكْ الغابة بَحْ خلاص
ولا لُهْ كِلمَة وصُوت مسموع
و إسمه مَعدشْ مَلكْ الغابة
إللى ينادى يْقُولك سابق
وإللى يقول إِسْمُه الْمُتنحي
واحد تانى يْقولْ مُتَخَلى
وإللى يْقُول إسمه المخلوع
قُمْتْ سألتْ وقلت يا ناس
حَد يقولى إيه الموضوع
قالوا دا شعب الغابه اْتْحَرر
بعد مامات نُصه من الجوع
وعَمل ثورة جُوة الغابة
والثورات دى مافيها رجوع
سِبْتْ الغابة وجْرِيتْ جري
تانى عالدنيا قُلت أنا مالى
حَد يسيب أفراح الدنيا
وكَتْبْ كتاب ولا سْبُوعْ
وييجى يشوف أحوال الغابة
ومَلِكْ الغابة سابق مُتنحي
أو متخلى أو مخلوع
........................
سَمْى يا عم براحتك قُولْ
بعد السطوة وبعد الْمُلْكْ
وبعد العز دا كُله يْزُولْ
شوف دلوقتى بياكل إيه؟
وعايش إزاى وعايش ليه؟
حِتِّةْ جبنة وحَبْةْ فول
الله يرحم زمن الكافيار
خد لك عِبرة م إللى حَصَلُه
و ياما فى عِبَرْ الغابة أسرار
لو بنى آدم جوة الدنيا
أو فى الغابة أسد و حمار
إبنى فى مُلْكَك زى ماتِبْنِّى
من غير عَدْلْ الْمُلْكْ إنهار
وَحْدُه هو صاحب الْمُلْك
زَى ما يِوْهِبْ زَى مايِنْزَعْ
سُبحانه وَحْدُهْ القَهْارْ!!


انقر هنا لقراءة الخبر من مصدره.