عمرو أديب: فرنسا عندها 20 مليون كمامة مش عارفة تبيعها

علق الإعلامي عمرو أديب، على وجود كميات كبيرة من الماسكات في فرنسا لم تباع، وقال: "في حوالي 20 مليون كمامة في فرنسا متباعتش حتى الآن، ومبقوش عارفين هيعمولوا فيها إيه خصوصا أن الموضوع خلاص انتهى في فرنسا وكورونا انحصر، وعاوز أقولكوا أن الفترة الجاية هتبقى فترة بيع وشراء وأنا فكرت أفتح سوبر ماركت وأشارك حد فيه وقضيت على كده".
وأضاف عمرو أديب، خلال برنامج "الحكاية": في رأيين لعلماء كبار في فرنسا، واحد بيقول أن في موجة أكثر فتكا في الربيع القادم لفيروس كورونا، والرأي الأخر شايف أن خلاص لحد كده الفيروس مبقاش له لازمة والموضوع خلص على كده، وفي حالة الرأي التاني أنا مش عارف هما ممكن يعملوا إيه في كميات الكمامات التي أتصنعت وفقا للرأي الأول أن في موجة تانية، يعملوها طيارات ورق بقى هيبقى أفضل، وعلى فكرة موضوع الطيارات انتشر دلوقتي وبتتباع الطيارة ب100 جنيه".
وقال عمرو أديب: "في دول عندiا لقاح لفيروس كورونا المستجد، أنا واثق من كده، والكلام المهم دلوقتي هو إزاي مصر تأمن نصيبها من اللقاحات اللي هيتم إنتاجها وتوزيعها على العالم".