فيديو.. مى سليم تشارك فى مباردة "اليوم السابع" وتدعم أطباء مصر

شاركت الفنانة مى سليم فى المبادرة التى أطلقها اليوم السابع بعنوان "إدعم الجيش الأبيض"، تقديرًا لدور الأطباء وهيئات التمريض بمستشفيات الحجر الصحى فى مختلف محافظات الجمهورية، فى مواجهة أزمة انتشار فيروس كورونا، المعروف علميًا باسم "كوفيد – 19"، والإجراءات الخاصة التى يقوم بها الأطباء وهيئات التمريض ومقدمو الخدمات الصحية لعلاج المصابين بكورونا".
وقالت مى سليم فى فيديو خاص ل"اليوم السابع":"عاوزة أشكر كل الدكاترة وكل الممرضين وكل شخص موجود فى كل مستشفى دلوقتى بيحاول يسعف أى مريض، بنقولكوا إحنا بنقدر جدا مجهودكم وإن انتوا مش قاعدين فى البيت زينا وموجودين فى المستشفى على طول علشان تقدروا ان انتوا تكونوا موجودين مع الحالات اللى عندها فيروس كورونا بطلب من كل الناس ان هيا تقعد فى البيت علشان نحاول نخفف الضغط اللى ممكن يكون فى المستشفى بسبب وجود الحالات المصابة بالفيروس ".
وأضافت مى :" وبنقول ان شاء هو وقت وهيعدى وهنمر بيه بكل سلام إن شاء الله طول ما احنا ملتزمين بكل التفاصيل وبكل التعليمات المذكورة من وزارة الصحة هرجع تانى أشكر كل دكتور وكل دكتورة واقفين جمبنا وبقولهم ربنا معاكوا وان شاء الله أيام وهتعدى وبطلب من الناس كلها إنها تقعد فى البيت علشان مندخلش فى أعداد كبيرة مصابة بالفيروس ورمضان يدخل علينا بخير وكل سنة وانتوا طيبين ورمضان كريم".
وترتبط مى سليم بمسلسل "خيط حرير" مع مى عز الدين وإنتاج شركة سينرجى، وتأليف محمد سليمان عبد المالك، وإخراج إبراهيم فخر، ويشارك فى بطولته محمود عبد المغني، نيكولا معوض، يوسف عثمان، هنادى مهنى، سوسن بدر، أحمد خليل، ومن تأليف محمد سليمان عبد المالك، وإخراج إبراهيم فخر.


مى سليم
مبادرة اليوم السابع لدعم الاطباء
كورونا
فيروس كورونا
اخبار الفن
الجيش الابيض
الموضوعات المتعلقة
"قاعدين فى البيت ما بنعمل شىء".. مى سليم ترقص فى فيديو جديد على تيك توك
الخميس، 02 أبريل 2020 02:17 م
مى سليم مع ابنتها فى فيديو جديد على "تيك توك" بالعزل المنزلى
الإثنين، 30 مارس 2020 01:17 م
نوم ومشاهدة مسلسلات ومراجعة دروس ابنتها.. حال مى سليم فى الحجر المنزلى
الأربعاء، 25 مارس 2020 07:30 م
مى سليم تحتفل بعيد الأم مع ابنتها لى لى بفوتو سيشن × 6 صور
الثلاثاء، 17 مارس 2020 05:32 م
مى سليم بطلة أمام هانى رمزى فى فيلم "الباب يفوت جمل"
الثلاثاء، 17 مارس 2020 06:00 ص
ماذا لو كانت مى سليم رجلاً؟.. شوف شكلها "فيديو"
الأربعاء، 11 مارس 2020 05:39 م