بعد تصريحات حسين صبور بنزول المواطنين للعمل.. عمرو أديب: انتوا جايبين الثقة دى منين؟

أكد الإعلامى عمرو أديب، أن هذه الفترة لا يكن لأحد أن يتنبأ بموعد انضباط الأمور فيما يتعلق بفيروس كورونا المستجد في العالم، وقال: "انهاردة الرئيس الأمريكي ترامب توقع أن الدنيا هتتظبط في العالم وأن فيروس كورونا هيهدى علينا شوية في أغسطس، وقال الكلام ده بعد ما في كلام انتشر عن وجود علاج جديد لفيروس كورونا بيقضى على المرض ده فى 48 ساعة بس، لكن أنا بأكد لكوا أن الفترة دى لا يمكن لحد أنه يتنبأ باللى هيحصل الفترة الجاية".

وأضاف عمرو أديب خلال برنامج "الحكاية" الذي يذاع على قناة mbc مصر: "ترامب جه اليوم اللي بيحقد علينا، جه اليوم اللي الأغنياء أوي بيحقدوا على الفقراء اللي زي حالتنا، الراجل مستغرب أن في دول مش متأثرة أوى بالمرض، وأن أعداد المصابين قليلين أوى فيها، لكن الحقيقة أن مصر زيها زى أى دولة بيصاب فيها ناس وبيموت فيها ناس والإحصائيات بتزيد عندنا برضه زيها زى دول كتير في العالم".

واستكمل عمرو أديب حديثه: "فى ناس بتطلب أن الناس تنزل شغلها عادى بشكل طبيعى، أنا عاوز أسألكوا أنتو جايبين الثقة دى منين، يمكن معاكو دوا ضد كورونا واحنا منعرفش، إيه السر يعنى، يا جماعة أرجوكو لازم كلنا نفكر فبعض مش فمصلحتنا إحنا بس، والله يكون فى عون اللى بياخد القرار لأن القرارات فى الوقت ده فعلا صعبة وتقيلة، أمريكا دلوقتى الناس قعدت فى البيت ومش لاقيين ياكلوا".


كورونا
فيروس كورونا
عمرو اديب
برنامج الحكايه
ترامب
امريكا
corona news
عدد اصابات كورونا اليوم
اصابات فيروس كورونا فى مصر اليوم
وفيات كورونا فى مصر
احصائيات كورونا
اخبار كورونا
الموضوعات المتعلقة
ريال مدريد يخطط لضم مدافع ريفر بليت الأرجنتيني بديلا لميليتاو
السبت، 04 أبريل 2020 11:49 م
خالد أبو بكر يبرز مقال خالد صلاح "الفيروس والإنترنت وثورة العمل فى مصر"
السبت، 04 أبريل 2020 11:49 م
مسئول بالمصل واللقاح: كورونا يموت فى الهواء خلال أسبوع إذا لم يجد شخصا يصيبه
السبت، 04 أبريل 2020 11:48 م
نيابة مركز أبوتشت تصرح بدفن جثة عامل توفى صعقاً بالكهرباء
السبت، 04 أبريل 2020 11:48 م