تامر حسنى متمنيا الشفاء ل إيناس عز الدين من كورونا:" انتى قوية ومؤمنة"

تمنى النجم تامر حسنى، الشفاء العاجل للفنانة إيناس عز الدين من فيروس كورونا، موجها لها رسالة عبر خاصية ستورى على حسابه على انستجرام.
وكتب تامر حسنى، قائلا: "مليون سلامة عليكي يا ايناس ربنا يشفيكى ويحافظ عليكى وان شاء الله كل حاجة هتتحسن انت قوية ومؤمنة وكفاية قوتك وتوعيتك للناس فى عز تعبك ."
وتابع، " ربنا يشفيكى وياريت نطمئن عليكى كل شوية ويشفى كل مريض ويحافظ علينا وعلى دكاترتنا و ممرضينا وكل الناس اللى بتشتغل علشانا"
تامر حسنى

وقد أعلنت المطربة إيناس عز الدين إصابتها بفيروس كورونا أمس الأحد أثناء رحلتها الأخيرة إلى المغرب، حيث قالت على "فيس بوك":"الحمد لله حتى الآن أنا حالتي مستقرة إلى حد ما وفى حجر منزلي لوحدى ومش بختلط بأى شخص وبلتزم بالإجراءات الوقائية المُتبعة وكل ده طبعاً بالمتابعة مع وزارة الصحة، إلا إذا الحالة ساءت ساعتها بيحصل عزل طبي في أحد مستشفيات الحجر الصحي وده الإجراء المتبع من قبل وزارة الصحة معايا ومع ناس كتير وده بروتوكول مُتبع فى العالم كله مش في مصر بس إن الحالات السيئة بس هي اللي بتدخل عزل صحي في مستشفيات ومافيش حاجة اسمها لو مريضة انزل اي مستشفى عادية جنب بيتي".
وتابعت: "نزولي المستشفى وأنا مصابة معناها أنى هعدي كل شخص في طريقي ومافيش مستشفى مجهزة أنها تستقبل حالات إلا المستشفيات المخصصة من قبل وزارة الصحة ودي الوزارة اللي بتحول عليها الحالات اللي محتاجة أنها تتعزل في مستشفى والفيروس ليه درجات فيه درجات بتتابع من البيت مع وزارة الصحة وبيتعملها حجر صحي منزلي وفيه حالات بتتدهور فبيدخلوها العزل الصحي بالمستشفيات .. وده نظام متبع في العالم كله وأنا حالتي تستدعي الحجر المنزلي حتى الآن الحمد لله".
وأضافت: "الأعراض معايا كحة جافة جداً نشفان ريق ألم شديد في الحلق مع صعوبة في البلع وألم بحرقان شديد في منطقة الصدر كأن طوبة على الصدر ووهن وضعف شديد وألم في الجسم مع صداع و دوخة بسبب عدم وصول الأوكسجين بشكل كافي بسبب صعوبة التنفس مافيش حرارة حرارتي مش بتتخطى ال37 ونص و ده لأن الجسم لسه ما وصلش للمرحلة اللي يتهاجم بشدة من الفيروس فتبدأ الحرارة ترتفع علشان تهاجم الفيروس".


تامر حسنى
ايناس عز الدين
فيروس كورونا
كورونا
الموضوعات المتعلقة
إيناس عز الدين: أحمد ربنا على كل شىء وبطلب الدعاء من كل أصدقائى
الإثنين، 30 مارس 2020 01:19 م
إيناس عز الدين فى لايف جديد: أنا أقوى من فيروس كورونا
الإثنين، 30 مارس 2020 02:09 ص
المطربة إيناس عز الدين بعد إصابتها بكورونا: شكرا وزارة الصحة لسرعة استجابتها
الإثنين، 30 مارس 2020 12:58 ص
إيناس عز الدين تعلن إصابتها ب"كورونا" أثناء عودتها من المغرب
الأحد، 29 مارس 2020 11:34 م
صور.. تحسن حالة إيناس عز الدين بعد إجراء عملية جراحية فى ذراعها
الخميس، 29 نوفمبر 2018 02:30 م