عمرو أديب: مصر تشهد نهضة شاملة.. "واللى بيتكلموا عن القصور فيه كمان مشاريع"

شن الإعلامي عمرو أديب، هجومًا حادًا على المقاول محمد على، صاحب الفيديوهات المسيئة للدولة، موضحًا أن مشكلته مع مكبرات الصوت، حيث يوجد 5 قنوات و20 موقعًا إلكترونى ينقلون كلامه.
وقال أديب خلال برنامجه "الحكاية"، أن هناك العديد من الإخوان يقومون علي الفور بإعادة نشر فيديوهات وتدوينات محمد على، أبرزهم عمرو دراج، وهيثم أبو خليل، حمزة زوبع، طارق الزمر، أيمن نور، وسامي كمال الدين الدين، ووائل قنديل، ونادية أبو المجد، وجمال سلطان.
وأضاف عمرو أديب، قائلًا: "أحمد منصور بتاع الجزيرة سايب الجزيرة وبيتكلم عن محمد علي.. وكلامكم بقي بايخ وممل".
وواصل: "العاصمة الإدارية مرآة حديثة لكل ما يحدث فى العاصمة القديمة وبينها مبنى الحكم، بجانب مبنى مجلس النواب، والحكومة، مستطردًا: "قصور الحكم ليست ملكًا لأى رئيس ولن تورث لأى منهم، وسيأتى رؤساء آخرون سيسكنون فيها، فقصر الاتحادية سكن فيها كثير من الرؤساء وكذلك عابدين وغيرهم من القصور، والرؤساء لا يأخذون معهم شيئًا.. ومش هنعمل مقر حكم أوضتين وصالة.. دا مش مكان لسكن أو للنوم".
وتابع:" هؤلاء يقبعون فى تركيا وأسبانيا، وإحنا قاعدين فى البلد بنحاول نشغلها ونخليها تقف، إحنا عاوزين النهضة والشاملة والتنمية القوية والدنيا بتتحسن وكويسة.. وتيجى ناس تقولك القصر!.. طيب المشاريع القومية والأنفاق والكهرباء وتأمين الحدود والدولة ومحطات المياه".
واستطرد: "الراجل ده مش كان ممكن ببساطة يتوزن دهب، والكلاب اللى بيتكلموا النهارده عرضوا عليه يوزنوه دهب، وكان ممكن عبد الفتاح السيسى يسلمنا كلنا، وأنا بقول معلومة شخصية ومرضيش يسلمنا ويسلم ناس كتير وفيه لسته وسعر، وهو كان واقف بطوله، وقعد فى القصر قدام مرسى وخيرت الشاطر، ورفض عشان البلد".