"انت مصرى".. قصيدة جديدة للشاعر محمد عليوة

أنت مصرى
يا داخل التحرير
أنا جيت لقيت إسمي
فى الكشف الكبير
اللى كل مصري
كاتب فيه بدمه
إن مصر أُمه
كاتب فيه بلادى
أقوى من الأعادى
أقوى بيك يامصرى
قام واخدنى الشوق
ويا عزة نفسى
طرت مش لفوق
فى حضن اللى جنبى
باين كان مسيحى
ولاَّ كان إخوانجى
دا الواد اليسارى
بيقولك حذارى
تنسى نبض قلبى
تنسى مين يانيل
فى الشعب الجميل
يالله أُقعد وقرب
تانى مش هأتغرَّب
بسم الله ودوق
فى الشرق الشروق
تحت ضى شمسى
واللى فى الميدان
خبط ع البيبان
وقال آن الأوان
((ارفع راسك فوق
أنت مصرى))