وفاء

حيوا الضباط الأحرار مجلس أعلى وروح ثوار
أَقسم باسم الجيش المصرى يحمى الثوره من الأشرار
وإن الجيش مش ممكن يرضى قمع الشعب بضرب النار
لازم نوأد نار الفتنة ونجنب مصر الأخطار
واللى يحاول يعمل فتنة ملعون وف صف الكفار
يتعامل وبكل القسوة من غير رحمة بدون إنذار
ونساعد جيشنا ونبراسنا واللى بيحرس ليل ونهار
بيتنا ومالنا وعرضى وعرضك ولحد نهاية المشوار
إيدنا ف إيده وحٌبه نزيده ونعدى معاه الأسوار
ما نغمضش عينينا ونسمع ونصدق كل الأخبار
ونقدم ب إيدينا الفرصة للى بيخرب جوه الدار
دا الأشرار عايشيين وسطينا عايزه الدم يسيل أنهار
عاوزين مصر بحالها تولع وتفلس من غير إشعار
والغربان تنعق وتزعق والجوع يقتل حتى الفار
بس الجيش كان واقف ليهم بالقوة وكل الإصرار
والزمره الفاسده اللى تحرض سؤالهم ضبط وإحضار
تتحاكم ويحس الظالم إن الظلم نهايته مرار
عاش الجيش والشعب المصرى إدعوا لمصر وقولوا عمار