أمك عايشه

يا بختك بيها
أنت ف نعمة محدش فيها
شيلها ف ننى عنيك وراعيها
وما تبخلش بحاجة عليها
أمك عيش عمرك خدامها
قبل ما تنده كون قدامها
اللى الجنة تحت أقدامها
مهما اديتها شوية عليها
من غير أم الدنيا كئيبة
أصل الأم دى أغلى حبيبة
هى القلب المليان طيبة
هى الدنيا وأحلى ما فيها
اللى بيظلم أمه بيتعب
ويعيش عمره عمره ما يكسب
واللى عليه الأم بتغضب
دنيا وآخره خسران فيها
وإن ربنا لرحابه نداها
ادعى الجنة تكون مثواها
وأنت تكون فى الجنة معاها
منها بتشرب وبتسقيها