آه يا بلد

يا اللى فرجتى الدنيا علينا ياللى خليتى الصغير ينزل علشان يحمينا
قالوا مظاهرات وشويه حركات ويا القوات ومحدش عبر أهالينا
حبه وقطع خط التلفون وكمان للنت معدش لزوم بقى كله بيخنقها علينا
ونزلنا ومشيين بنخبط بس ده مين فينا اللى هيهبط والدنيا أسودت فى عنينا
ساعتين والحالة بقت كارثة ورث بيتوزع عالورثة وبنحرق والغل ملينا
السرقة بقت حاجة عادية فن التخريب سهل عليه بيعنها ولا حد شرينا
تانى آه يا بلد لما وجعناكى عيطى وسمعنا بكاكى ويمكن تتحقق أمانينا
بس ده فين بعد خراب مالطة ده سكاتهم كان أكبر غلطة كان لازم حد سأل فينا
واهو نزل الجيش واتقفل الشيش وبيانهم حظر التشويش خلى الأوباش تحكى علينا
فجأة وظهر تشكيل عصابات مساجين هربانة من القوات وبقينا بنمسك فى إدينا
والتلفزيون أخباره تقول إنك من الليلة بقيت مسئول وحمينا ناسنا وأهلينا
وبقيت ماسك فى العصيان وسنج ومطاوى يا غلبان ومحدش هيقرب لينا
وده مليون آه يا بلد موهومه أحزاب مش عجباها حكومة وده طبعا مش شىء يرضينا
وسؤال وجواب وهو رد أجاب طلبتكم ديما على راسى وكلامه مش واحد قاسى وخطابه كان هيبكينا
ناس مقسومة وناس مجنونة وتقول كده عجباها النومة مش كلمه تقولها تهدينا
وتلاقى فى النص حاجات مش منك ولا بلديات وعن غايته جى يغمينا
إشى بردعنى وإشى نورنى واشى مش لاقى اللى ينفعنى وكله لمصالحه يودينا
وأدينى مستنى يا مين يسمعنى صرخه شب فقلب بلدنا ده لسه الأيام جيه علينا