عمرو أديب بعد خسارة الزمالك لبطولة أفريقيا: "هنفضل طول عمرنا كده.. ملطشة"

عمرو أديب بعد خسارة الزمالك للبطولة: هنفضل طول... by youm7

علق الإعلامى عمرو أديب، على خسارة فريق الزمالك بطولة أبطال إفريقيا، قائلاً: "احنا مش هنقعد نجيب مدربين يتعلموا فينا، احنا عاوزين مدرب كويس.. عاوزين مدرب كبير".
وأضاف أديب، خلال تقديمه برنامج "كل يوم"، على فضائية "on E"، أن نادى الزمالك لدية إمكانات مادية، مردفاً: "تعبنا بقى، عاوزين مدرب واحد يفضل يمسك الفريق، هو دا جمهور الزمالك اللى بيتبهدل على طول".
واستطرد أديب: "هنفضل طول عمرنا كده ملطشة.. مش ممكن يعنى، دا الجمهور غلبان والله العظيم تلاتة، كان نفسنا النهاردة نقدم حاجة للبلد، إنما احنا مغلوبين الماتش هناك عشان مفيش تنظيم وتدريب كويس".
وتابع :"رب ضارة نافعة، ولسه الدورى فى أوله، عاوزين مدرب كويس وثبات للمدرب، دا نادى كبير، بالعشر سنين وال14 سنة بين بطولة وبطولة، حرام الواحد تعب"، مردفاً: "نادى الزمالك مش ملطشة دا نادى محترم، دا قدرنا احنا ديما كده.. عارفين الفرق بينا وبين الأهلاوية بتبقى مسألة شاذة بالنسباله البطولة تضيع، لكن احنا بالنسبة لنا عادى".
وأردف أديب :"49 سنة بأتضايق، وأنا بتفرج على الزمالك من أيام حمادة إمام لغاية حازم إمام وحازم إمام الصغير لغاية ما مشى، حضرت كل عيلة إمام".