محاسن بيومى تكتب: دموع الصبية

إيه إسمك يا صبية
رديت بدموع عنيا ست الحلوين بهية
روح النصر اللى جاية
أنا ضحكة للشهيد ياولادى ونور عنيا
بصوا جوا ف عنيا
دمياط تحضن رشيد علامة النصر اللى هية
دمعة فرحى الأبية
سألونى كتير عليا سالونى تبقى مين
أم ابو شقرة يا غالي
واحمد عطا وياسين نطقوا الشهادة اتنين
سألونى كتير عليا
قلت لهم دى القضية
ليه بعتم ليه بهية ؟ وبهية أم الأسود
ليه تقولوا حكم عسكر وأولادنا ع الحدود
قتلوهم اخوة ليهم وخانوهم دول يهود
قتلوا بإيدهم حاميهم ناسيين رب الوجود
وبهية بتناديهم شهداءنا للخلود
والجنة فاتحة ليهم باب الرضوان هدية
مخصوص لولاد بهية
سألونى كتير عليا
أنا الدمعة العتيقة تبكى فى عين الحقيقة
أنا المجد اللى راجع أنا الضحكة البريئة
سالونى كتير عليا
شعرة فى راس اليتامى تشهد يوم القيامة
إن إبنى كان علامة فخر وعزة وكرامة
ورجولة ورفع هامة
إبنى الفرحة اللى راحت ضفره بالدنيا ديا