معركة ساخرة حول "الفسيخ والرنجة" على تويتر.. ومغردون:"اظهروا يا فسخنجية"

تزامنا مع الاحتفال بأعياد الربيع وشم النسيم، أطلق رواد تويتر هاشتاج "فسيخ ولا رنجة" ، والذى أصبح الأكثر تداولاً فى وقت قصير.
عشاق الرنجة ضد الفسيخ
ونشأت معركة ساخرة بين عشاق الفسيخ والرنجة حول أيهما أفضل، ومالت أغلبية تعليقات الرواد لصالح الرنجة، حيث قالت شيماء سليم: " رنجاية ولمون كتير وبصل أخضر وتديها أكل تبقى مصرى صحيح ويا سلام بقى لو بوست حد بعدها بتعرف قد ايه بيحبك من تحمله للريحه "، وقال مصطفى شيكو " شويه رنجه مع بصلتين وتدشهم مع شويه جرجير وشويه بنزين 90 علشان تحرق " .
عشاق الفسيخ يردون على محبى الرنجا
بينما قال المحامى على نصر الله بعد تغلب عشاق الرنجا على الفسيخ: " ملوك وعشاق الفسيخ اظهروا حان موعد الظهور يا فسخنجيه" ، وأضافت بنت الحاج محمد " فسيخ طعمه روعه مع البصل و الطحينه وسيبك من موضوع الريحه و بتاع يعنى إحنا بناكله كل يوم " ، بينما قالت أخرى تويتر " أنا بحب الفسيخ حتى لو كره الفسيخ وحب الرنجا بقى موضه " .
كارهى الفسيخ والرنجة .. على جثتنا لو قربنا منهم
على النقيض تماما هناك العديد لا يفضلون الفسيخ والرنجة معا ، حيث قال الطاهر السيد " على جثتى لو جربت حاجه منهم " ، وأضافت ميس ساينس " المهم كله بيجيب تسمم وبرضو مش بنتسم ..المصرى معروف بجبروته " ، بينما أشارت أخرى " فسيخ و رنجة مين حضرتك؟ إحنا بنتشعبط فى رضا ربنا" .
موضوعات متعلقة :
ضبط رنجة وأطعمة فاسدة بالغربية قبيل احتفالات شم النسيم
بالصور.. انتشار الشرطة النسائية بالمترو قبل شم النسيم لمكافحة المتحرشين