إسلام جمال ردا على جماهير الزمالك: لازم ألعب برجولة عشان خاطر أكل عيشى

أكد إسلام جمال لاعب الإسماعيلى، أن أولاد الزمالك تربوا على احترام ناديهم فى أى مكان، وأنه لم يحتفل بالهدف الذى أحرزه فى فريقه السابق مثلما تردد، موضحا أنه لعب برجولة عشان خاطر أكل العيش.
وقال جمال عبر حسابه الشخصى على "انستجرام": "أولا.. هارد لك لنادى الزمالك وجماهيره.. تانى حاجة الناس اللى بتشتم عليا محدش يشكك فى حبى لنادى الزمالك وجماهيره.. لكن ده احتراف وفريقى فى موقف صعب وكان لازم ألعب برجولة عشان خاطر أكل عيشى.. وهما دول ولاد نادى الزمالك اللى اتربوا على احترام المكان اللى هما فيه".
وتابع جمال: "أنا مش زعلان من أى حد شتمنى وأنا لازم الناس تعذرنى لأن أنا فى موقف صعب وربنا وحده اللى يعلم.. وآخر حاجة بعتذر تانى لجمهور الزمالك العظيم وأتمنى التوفيق فى الفترة القادمة لفريق نادى الزمالك والصورة دى أكتر حاجة دليل على أن هى دى كورة القدم وده عصر احتراف.. شكرا.. وياريت الناس تتفرج على الماتش تانى عشان أنا أقسم بالله ما احتفلت زى ما الناس بتقول".