المصريون يواجهون "حرارة الجو" بهاشتاج عبر تويتر.. المستخدمون يسخرون فى كوميكس الشمس طالعة هى وعيالها.. البحر أمامكم والنيل وراءكم والدش فى بيتكم.. الباب اللى يجيلك منه الريح سيبه مفتوح عشان الطراوة

واجه مستخدمو مواقع التواصل الاجتماعى، الشهيرة "فيس بوك"، "تويتر"، الارتفاع الكبير فى درجات الحرارة، والتى سجلت 44 درجة مئوية فى القاهرة، بموجة عاصفة من السخرية، حيث دشن عدد من مستخدمى موقع التواصل الاجتماعى "تويتر"، هاشتاج "الحراره اليوم"، احتل صدارة الاستخدام على موقع التدوين القصير.
ووجه المستخدمون تساؤلهم إلى المتشدقين بأنهم يفضلون فصل الصيف على فصل الشتاء، "الناس اللى بيقولوا بنحب الصيف وكده إزى الحال بقى؟"، مضيفين: إحنا آسفين يا شتا.. ولا يوم من أيامك".
وقال "محمد عبد الرحمن"، "فى حد مصرى طبيعى أو من الوطن العربى بيحب الصيف.. ياريت الناس اللى بتحب الصيف تقلع كده عشان هنمدكم على رجلكم".
وغرد محمود جاهين، "أتمنى يكون بتوع الصيف وحب الصيف مبسوطين بريحة العرق اللى مالية البلد عايزاكوا تغرقوا فيها".. وكتبت هبة حسن تعريفاً مصرياً لفصل الصيف، فكتبت قائلة: "فصل الصيف عندنا فى البيت اسمه الحيوان اللى شرب من الإزازة دى يقوم يغسلها ويملاها ويحطها فى التلاجة".
وتداول المستخدمون عبر الهاشتاج عبارة ساخرة من ارتفاع درجات الحرارة، مفادها: "البحر أمامكم والنيل وراءكم والدش فى بيتكم.. الطف بينا يارب"، كما كتب أحمد محسن: "ومع دخلة الصيف.. تبتدى تقعد تحسب المغرب هيبقى الساعة كام فى رمضان، الحر اليومين دول مينفعش يتقاس بالدرجات المئوية.. مفروض يتقاس بالشعلة زى البوتاجازات كدة.. يعنى الجو النهاردة مثلا أربع شعلات وفرن وشواية".
وعبر أحد المستخدمين عن حنينه لفصل الشتاء، "لما حسيت بالحر اللى احنا فيه حنيت للشتا مع إنى كنت كارهه"، مضيفاً: "الحر رايح جاى عليا ومش سايبنى، والعرق فاضلو شويه ويوصل لحد رجلى".. وتابعت "جرمين فوزى": "الجو حر تحس أن الشمس طالعة هى وعيالها". وكتب أحد المستخدمين: "الباب اللى يجيلك منه الريح سيبه مفتوح عشان الطراوة".
مواطن يغطس فى عربة مملوءة بالمياه
حلاوة شمسنا
حال الشعب المصرى فى الجو
المصرى فى ثلاجة
المصرى فى ثلاجة
كوميكس على غرار مسرحية العيال كبرت
كوميك ساخر
سخرية بطريقة مصطفى كامل
سخرية على طريقة الفنان أحمد عبد العزيز
محمد منير يسخر من حرارة الجو
سخرية على طريقة إليسا
سخرية من حرارة الجو
سخرية على غرار فيلم ظرف طارئ
سخرية من حرارة الجو
سخرية على طريقة لبلبة
سخرية من حرارة الجو
سخرية من حرارة الجو
سخرية على طريقة أم كلثوم