قد ما تحلمى حلمك هو حلمى.. بس اوعى تندمى لما الطريق بينا يضيق أو حلمنا فى يوم ينحنى لازم حا نرجع ونكمله أنا وأنت تانى من أوله.. لما النهار يطلع علينا والليل يولى وينجلى لاعمرنا حانطاطى أبداً أو لحد راح ننحنى لما السحابة تنزل مطر فوق أرضنا تغسل قلوبنا وتنجلى لما نمد إيدينا تانى لبعضنا ما حد فينا يبيع فى حد أو يشترى لما نخاف عليك قد خوفنا على نفسنا لما حضنك يضمنا وراح يسعنا كلنا لما وليدك يتولد ونعلمه معنى الأدب معنى الشهامة ويعنى إيه عشق الوطن لما نشيل من نفوسنا حب الأنا ساعتها بس يا مصر نقدر نحقق حلمنا