يا مصر يا تاج الرأس يا حافظة للأمانة يا أحلى صحبة وناس يا معلمة الدنيا الفن والإحساس يا أم الهامة العاليا يا قلم وكراس يلف العالم كله يعلمه الإخلاص فى السلم أنت جنة فى الحرب نار وحماس جيشك ده عزم وهمه وللجيوش نبراس يهابوه الأعادى ويخافوا من بأسه وصبرك فوق العادى خلى الأعادى يأسوا وشعبك كده فى العادى أصيل ومتدين لا فى يوم أعان عادى وفى غضبه مش هين عنوانك الشهامة والكرم والجود وفى السخاء علامة والجودة م. الموجود لا تردى أبداً سائل والكل فى حماكى وربنا المعبود لا تعدى كل المحن والمولى يرعاكى