العالم المصرى الجليل دكتور أحمد زويل

فخر ومجد ورفعة راس قدم علمه لكل الناس
عاشق مصر وحب ترابها قلبه كبير مليان إحساس
مصر وكل العالم يفخر نجم زويل ساطع وبيكبر
هادى ف طبعه ومش متكبر فات عالصعب برجله وداس
حلمه كبير عايش من أجله سخر علمه لناسه وأهله
والعالم كله بيشهد له باب العلم وتاج الراس
بينور مصر اما يجيلها وبيشرب من مية نيلها
بالليل والصبح بيدعيلها فيها العلم يكون نبراس
عاوز مصر تكون فى القمه بالعلم وتكريس الهمه
والكل يكون بارى الذمه ويكون العلم المقياس
بالأخلاق والعلم بلادنا تعلى وتوصل فوق المدنه
ونخلى ولادنا وأحفادنا مصريين رافعين الراس
كل الحب ودعوة قلب مالشعب المصرى اللى يحب
يحميك وتفوت فوق الصعب تكبيره ودقوا الأجراس