كلمتين لمنتخبنا

فى البداية بقول سلام
ع الموجودين
ع السامعين
ع الحاضرين
على شعب مصر
أسمحولى بكلمتين
كلمتين محبوسين جوه قلبى من سنين
من زمان
أيام ثابت البطل وكمان شوبير
وعبده صالح والشيخ طه اسماعين
ولا الخطيب وحسام حسن
والتاريخ مدون من سنين
افتح كتابك تلقى فيه الانجازات
وفى صندوق كبير للبطولات
ندعى نقول يا رب زدنا
قولوا آمين يا سامعين
يا مسلمين يا موحدين
يا راكعين يا ساجدين
يا منتخبنا اسمحولى بكلمتين
أول كلامى بقول سلام
على المعلم وأولاده الكرام
أصل الكرامة معنى الشهامة
وأبن الناس الطيبين
يا أبو كريم
بصراحة جميلك زادت حدها
تقدر تقولى أزاى بقى هنردها
والله تهنا فى عدها
لو حتى قولت نردها
ما فيش رصيد يسدها
فرحتنى وفرحت أبويا ويا أمي
وحتى بنتى غانة وقالت
تا تا تا تا يا شحاتة
فوز ع الجزا ئر بثلاثة
وأنتا جبت الأربعة
بفضل ربى
وبكلمتك يا حبيبى يا رسول الله
شفت إللى كان ماشى بقلاطة
ورافع رأسه بعنطظة
بصيت علية بعد ما فزنا
لقيته دلى رأسه على صدره
أسمه أية أيوه أنا عارفة
لما قال عليك كيت وكيت
عمال يخبط فى الكلام
طيب يحترمني
ويعاملنى على قد سني
بينى وبينه كام سنة
فى الانجازات
وفى الشهامه
وفى الحضارة والكرامة
كل دهوا عندنا
وكأس أفريقيا خدناه سبع مرات
وفى ثلاثة ع التوالي
بفضل ربى
وحب بلادي
ودعوة أمي
ورجل حسنى وغالى
صدق إلى قال ع الحضري
يا سدنا التانى
منتا ديماً تبقى عالي
يا نجم طالع ف السما
يا منور لينا اليالى
وائل يا جمعة
يا أبو حبيبة
قالو عليك يا صخره
أيوه فى الجسم صخره
لكن فى القلب طيبه
يحلا الكلام على ألسان
لما أقول يا زيدان
الله عليك
فرحتنى وفرحت كل الجيران
أنتا ومتعب
يا عماد يا مورعب
لو أى جون فكر يوجهك
يحس دمه من عروقه أنة بيهرب
أنتا وسيد ومحمدي
يا احمد يا فتحي
يا نص عمري
نفسى أنا يوصل سلامي
للعميد احمد حسن
رمز السلامة وأمان
كل يوم حبك يزيد
يبنى جونا الأمل
زى الدم فى الوريد
وكمان فتح الله وهانى سعيد
كلكم الله عليكم
إلى حاضر والى غياب
والى منعاه المتاعب
والى محروم م الملاعب
زى تركية أبو ضحكة حلوة
وأبو أجمل أبتسامة
ندعى ونحمد ربنا
يرجعك لينا بسلامة
واليوم بقى فى حكاية لشعب مصر
راجل يستهل أغاني
ويمكن تعجز الاغانى
يوصفه مهو أصلة غالى
جدو يا بمستنة الجديدة
جدو أنتا فين تشوف معيا
فرحة أولادنا الصغار
جدو أنتا فين تشوف معيا
بعد جونك دمعة اهلاينا الكبار
جدو أنتا فين تشوف معيا
مصر فى عز الليل بقت نهار
يلا يا مصر أفرحي
افرحى بالكأس الجديدة
بعد غانا جابو هالك من أنجولا
يا منتخبا لسه باقى كلمة وحدة
80 مليون
من كل شكل ولون
من شعب مصر
انتم لينا الفرح وانتم أملنا
خلاص خلص الكلام
وع منتخبنا والسامعين
سلام