بلاغ عاجل

باكتب بلاغ وأقدمه
لكل واحد ذو ضمير
يمكن ضميره يألمه
ويحس بالأمر الخطير
لو بلاغى هتهمله....
هتلاقى زيى بنات كتير
أتحطمت فيها الكرامة
واتعرضوا لنفس المصير
أما أن حاولت تفهمه....
فبلاغى راح يفرق كتير..
ربى شاء وخلقنى بنت..
وزمان ف مهدى أنا أندفنت
وسنين قضيتها سكوت وصمت
وأما خرجت أنا انتهكت.......
أنا ضحية ورغم ذلك............
سامعه ناس بتقول غلطت......
بلاغى يا شرطة ونيابة.....
ضد بشر آسفة ديابه....
فى الهيئة يمكن زينا......
لكن وحوش عايشة ف غابة
كنت ضحية عجزهم........
وقتلوا جوايا البراءة......
بالقصاص راح تحمى أختك
وبيه هتحمى عرض بنتك..
أفتكر أمك وزوجتك.......
القصاص ده الأمن ليهم...
أوعى تخذلهم بصمتك......