أرض الحضارة

ماتعلِّىّ رايتك ياوطن مالك
واعزف بصوتك غِنوة لرِجالك
انت الأمان
طول الزمان
واحنا فِداك ياوطن وكل رسمالك
*****
افرد جِناحك فوق سحاب الكون
وإعلى بينا فوق ومهما يكون
واحضن ولادى
فى كل وادى
خدنا فى حُضنك يابو صدر حنون
*****
شايفك قمر فجرى وضىّ الليل
ونور بحورى عاشقة بحر النيل
شايف جمالك
فى عيون ولاِدك
وعيون جدع يحميك وجندى أصيل
*****
أرض الحضارة والمنارة وأهرام
أرض الرِسالة وأنبياء وكرام
أرض المحبة
بين الأحبة
وأرض كل الخير وأرض سلام
*****
شايفك عرق على جبين فرسان
وإيدين قوية تردع العدوان
ونور نهارى
فرحة صغارى
وكلمة راسمة الحلم للإنسان