يا حبيبتى يا مصر

عايز كلام اسمع كلامى فيه الحِكَم والفصلا.. أسمع كلامى وردده من الضحى للعصر.. قالوا الشهيد له أكيد فى الجنة قصر.. وإحنا جنة ربنا فى الأرض مصر.. شافت محن شافت هموم فى كل عصر.. تروح شمال تروح يمين هى الأصل.. لو فى يوم يخدك حنينك.. تحتاج لإيد تمسح جبينك.. أكيد هترجع لحضن مصر.. لو فى يوم هتروح بعيد.. تحس قلبك مش سعيد.. تشوف ترابها تحس بعيد..
أصل دى أرض الشهيد.. أصل دى أرض مصر.. دنيتنا واسعة وبلادها كتير.. لكن بلدنا ملهاش مثيل.. شوف أهراماتها ونهر النيل.. لو يوم تشوفه تصبح أسير.. فى عيون ولادها تلمح وجودها.. شوق وحب كبير.. أو طفلة ماشية تشوف رموشها.. جمال عيونها دى شىء خطير.. حفظها ربى من كل سوء.. منظرها رقة وجمال وذوق.. حبيبتى هى ودايماً معايا وليه معاها مليون حكاية.. وجوه قلبى عبرة وآية.. دى مصر هى أصل وبداية.. وهى عمرى وكل الحكاية.. باحبها حتى النهاية.
حمدى أحمد الهوارى
hamdy_elhawary@hotmail.com
ما تعلى رايتك يا وطن مالك.. واعزف بصوتك غنوة لرجالك.. انت الأمان.. طول الزمان.. واحنا فداك يا وطن وكل رسمالك.. إفرد جناحك فوق سحاب الكون.. إعلى بينا فوق ومهما يكون.. واحضن ولادى.. خدنا فى حضنك يا أبوصدر حنون.. شايفك قمر فجرى وضى الليل.. ونور بحورى عاشقة بحر النيل.. شايف جمالك.. فى عيون ولادك.. وعيون جدع يحميك وجندى أصيل.. أرض الحضارة والمنارة وأهرام.. أرض الرسالة وأنبياء وكرام.. أرض المحبة.. بين الأحبة.. وأرض كل الخير وأرض سلام.. شايفك عرق على جبين فرسان.. وإيدين قوية تردع العدوان.. ونور نهارى.. فرحة صغارى.. وكلمة راسمة الحلم للإنسان..
الدكتور- صبرى إسماعيل
فى عيد الحب نلتقى بكل نسمات الحب وننسى الأحقاد.. فى عيد الحب نسمو بالقلب وليس حب أعظم من حب الله وحب الأهل والأصدقاء، الحب يغسل القلوب ويطهر الوجدان ويكفكف الدموع ويجبر الكسور ويحطم الأغلال، الحب هو نور العالم وبدون النور يعيش الناس فى ظلام مخيف، الحب هو البذل والعطاء والتضحية والإخاء، فى عيد الحب أهنئكم بعيد الحب.
محسن مهنى ولعان
المحامى والمستشار القانونى بالقاهرة
mmwalaan@hotmail.com